Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Takgalhtawakga 98: Wilakgolh ksipi wanikan olivos

Takgalhtawakga 98: Wilakgolh ksipi wanikan olivos

UMA chixku, tiku wi unu ksipi wanikan olivos wa Jesús. Chu kgalhtati lakchixkuwin tiku na anta tawilakgolh wa x’apóstoles. Andrés chu Pedro linatalan, Santiago chu Juan na linatalan. Uma lanka chiki nema tasiyay klakgamakgat wa xtemplo Dios nema wi kJerusalén.

Akgtiy kilhtamaku titaxtunitta akxni Jesús xkgewi tantum burro akxni tanulh kJerusalén. Uku martes. Tlakg tsisajku Jesús anta xwi ktemplo. Anta sacerdotes xmakgniputunkgoy. Pero nimakgnikgolh xlakata xpekuanikgoy kristianos tiku paxkikgoy Jesús.

Jesús chu xʼapóstoles

Anta Jesús kawanilh pulalinanin xla ktakanajla: ¡Wixin luwa, xkamanan luwa! Chu akxni tama kilhtamaku kawanilh pi Dios x’ama kamalakgaxokgey xlakata katuwa tuku nitlan tlawakgonit. Alistalh, Jesús tawakalh anta ksipi wanikan Olivos chu akxni uma kgalhtati apóstoles tsukukgolh tlawanikgoy takgalhskinin. ¿Katsiya wix tuku kgalhskimakgolh?

X’apóstoles kgalhskininamakgolh xlakata tuku aku nalay. Katsikgoy pi Jesús namasputuy putum tuku nitlan kKatiyatni. Pero katsiputunkgoy tukuya kilhtamaku chuna nalay. ¿Tukuya kilhtamaku naminpara Jesús xlakata namapakgsinan?

Jesús katsi pi kstalaninanin nila kati’akxilhkgolh akxni namimpara amakgtum. Xlakata Jesús natawilayacha anta k’akgapun chu xlakan nila kati’akxilhkgolh. Wa xlakata Jesús kawani x’apóstoles, tuku lama nawan kKatiyatni akxni mapakgsinan anta k’akgapun. ¿Tuku lama nawan?

Jesús wan pi na’anan laklanka guerra, lhuwa kristianos natatatlakgoy, natsinksnikgoy, lhuwa tuku nitlan nalatlawanikan chu natachikiy Katiyatni. Na wan pi natalichuwinan xalaksasti xalakwan xlakata xtamapakgsin Dios xlikalanka Katiyatni. ¿Uku chuna lama la lichuwinalh Jesús? ¡Xlikana! Liwana katsiyaw uku pi Jesús mapakgsinama k’akgapun. Nialh makgas namasputuy putum tuku nitlan kKatiyatni.

Mateo 21:46; 23:1-39; 24:1-14; Marcos 13:3-10.



Takgalhskinin

  • Anta kdibujo wilakgolh lakchixkuwin, ¿tiku Jesús chu tiku na anta wilakgolh?
  • ¿Tuku xtlawaniputunkgoy Jesús sacerdotes anta ktemplo chu Jesús tuku kawanilh?
  • ¿Tuku kgalhskinkgolh x’apóstoles Jesús?
  • ¿Tuku xlakata Jesús kawanilh x’apóstoles tuku x’ama lay kKatiyatni akxni x’ama mapakgsinan k’akgapun?
  • ¿Tuku tiwa Jesús pi pulana x’ama lay chu aku namasputuy tuku nitlan kKatiyatni?

Amakgapitsi takgalhskinin

  • Kalikgalhtawakga Mateo 23:1-39.

    Maski Biblia wan pi tlan nakalimapakuwikan kristianos xlakata tuku litaxtukgoy, ¿tuku limasiyay xtachuwin Jesús nema tatsokgnit kMateo 23:8-11 xlakata la kili’akxilhatkan tukuwani nima kaj nakalimalankiputunkan tiku pulalinankgoy kcongregación? (Hech. 26:25; Rom. 13:7; 1 Ped. 2:13, 14.)

    ¿Tuku tlawakgolh fariseos xlakata kristianos ni kstalanikgolh Cristo chu tuku nachuna tlawakgoy tiku pulalinkgoy takanajla nixaxlikana xlakata kristianos ni kastalanikgolh Cristo? (Mat. 23:13; Luc. 11:52; Juan 9:22; 12:42; 1 Tes. 2:16.)

  • Kalikgalhtawakga Mateo 24:1-14.

    ¿La limasiyay Mateo 24:13 pi lu xlakaskinka natayaniyaw?

    ¿Tuku wamputun tachuwin, lisputni, nema wi kMateo 24:13? (Mat. 16:27; Rom. 14:10-12; 2 Cor. 5:10.)

  • Kalikgalhtawakga Marcos 13:3-10.

    ¿Tuku tachuwin nema wi kMarcos 13:10 masiyay pi lu xlakaskinka natalichuwinan xalakwan xalaksasti, chu tuku kililakapastakatkan natlawayaw? (Rom. 13:11, 12; 1 Cor. 7:29-31; 2 Tim. 4:2.)