Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Ki libro xla takgalhtawakga xalak Biblia

Takgalhtawakga 84: Chatum ángel lakgapaxialhnan María

Takgalhtawakga 84: Chatum ángel lakgapaxialhnan María

UMA lu xastlan tsumat xtukuwani María. Uma tsumat li Israel chu kxchik anta wi kkachikin wanikan Nazaret. Dios katsiy pi uma tsumat tlan likatsi. Wa xlakata malakgachalh x’ángel Gabriel xlakata natachuwinan. ¿Katsiya wix tuku wanilh Gabriel María? Na’akxilhaw

Gabriel wan: Tlen María, Dios lu xatlan tsumat akxilhan chu lu paxkiyan. María nikxni a’xakxilha uma chixku. Chu nixkatsiy la nakgalhtiy xlakata nikatsiy tuku waniputun. Pero Gabriel makgtayalh xlakata ni napekuan.

María

Gabriel waniy María: Ni kapekuanti. Jehová lu snun paxkiyan. Chu Dios natlaway tuku nila tamakanajlay. Nialh makgas nakgalhiya aktsu skgata. Chu Jesús nawiliniya xtukuwani.

Gabriel na wanipa María: Uma aktsu kgawasa lanka nawan chu xKgawasa Dios Jehová Xalatalhman nawan. Jehová mapakgsina natlaway, chuna la xwi David. ¡Pero Jesús nikxni katisputli xtamapakgsin!

María kgalhskininalh: ¿La chuna nakiakgspulay? Nitu ktamakgaxtokgnit chu nitu ktawi chatum chixku, ¿la tlan nakkgalhiy kiskgata?

Gabriel wan: Kaj xlakata xlitliwakga Dios. Wa xlakata uma aktsu skgata xKgawasa Dios nawan. Kalakapastakti minparienta Elisabet. Wakg kristianos xwankgoy pi ay xlina kata chu nialhla katikgalhilh skgata. Pero nialh makgas nakgalhiy aktsu kgawasa. Wa xlakata ay katsipat pi ni anan tuku Dios nila natlaway.

Akxni chuna wanikgoka María kgalhtinalh: ¡Akit kskujni Jehová! Chuna kalalh chuna la wix wana. Akxni chuna kgalhtinalh, ángel alh.

María lakapara lakgalh Elisabet. Akxni Elisabet kgaxmatli pi María chuwinalh akxni chalh, aktsu skgata nema xtajuma kxpan Elisabet tatsuwilh xlakata paxuwalh. Elisabet litatsamalh espíritu santo chu wanilh María: Wix tlakg makgamakglhtinanita xtasikulunalin Dios xliwakg lakpuskatin. María kimakgtayalh Elisabet max akgtutu papa’ chu taspitli kNazaret.

María nialh makgas natatamakgaxtokga chatum chixku xtukuwani José. Pero akxni José katsilh pi María nakgalhiy chatum skgata, lakpuwan pi nitlan natatamakgaxtokga. Akxni tama kilhtamaku x’ángel Dios waniy: Nitu kapuwanti, minpuskat katlawa María. Wa xlakata pi Dios natlaway nakgalhiy chatum aktsu kgawasa. Wa xlakata José chu María latatamakgaxtokgkgolh chu la uku kgalhimakgolh pi nalakachin Jesús.

Lucas 1:26-56; Mateo 1:18-25.



Takgalhskinin

  • ¿Tiku uma tsumat nema wi kDibujo?
  • ¿Tuku waniy Gabriel María?
  • ¿La waniy Gabriel María pi tlan nakgalhiy aktsu skgata maski nitu tawi chatum chixku?
  • ¿Tuku lalh akxni María alh lakgapaxialhnan xparienta Elizabet?
  • ¿Tuku lakpuwa José akxni katsilh pi María nakgalhiy chatum aktsu skgata, pero tuku xlakata nialh chuna lakapastakli?

Amakgapitsi takgalhskinin

  • Kalikgalhtawakga Lucas 1:26-56.

    Akxni Dios tiyacha k’akgapun xlatamat xkgawasa Jesucristo chu wililh kxpan María, ¿la tlawalh xlakata talekgalhin nema xkgalhiy María nixmatitaxtinilh Jesús chuna la lichuwinan Lucas 1:35? (Ageo 2:11-13; Juan 6:69; Heb. 7:26; 10:5.)

    ¿La malankika Jesús maski nina a’xlakachin? (Luc. 1:41-43.)

    ¿Tukuya xatlan likxilhtit kawilinilh María xlakata wantiku kamaxkikan taskujut anta kcongregación xala uku? (Luc. 1:38, 46-49; 17:10; Pro. 11:2.)

  • Kalikgalhtawakga Mateo 1:18-25.

    Maski Jesús ni Emanuel wanika, ¿la limasiyalh chuna la lilatamalh unu kkatiyatni chuna la wamputun tukuwani Emanuel? (Mat. 1:22, 23; Juan 14:8-10; Heb. 1:1-3.)