Ankan kxpulakni

Ankan xlipulaktiy niku tsuku

Xtatayananin Jehová

totonaco

¿La akxilha Biblia?

¿La akxilha Biblia?

¿Xwanti pi . . .

  • ... xtalakapastaknikan latamanin?

  • ... kaj cuentos tuku lichuwinan?

  • ... xTachuwin Dios?

 WANTUKU WAN BIBLIA

«Xlipaks yuma ntatsokgnun, paks ntimapuwanikgolh Dios lantla natsokgkgoy.» (2 Timoteo 3:16, Hua Xasasti Talaccaxlan.)

LA KINKAMAKGTAYAYAN NAKATSIYAW

Natekgsaw xtakgalhtin lu xlakaskinka takgalhskinin nema kgalhiyaw xlakata latamat (Proverbios 2:1-5).

Nakgalhiyaw tuku tlan nalipawanaw nema nakinkapulalinan kkilatamatkan chali chali (Salmo 119:105).

Nakgalhiyaw takgalhkgalhin xlakata tuku aku mima (Romanos 15:4).

 ¿WI TUKU KINKAMAKGTAYAYAN NAKANAJLANIYAW BIBLIA?

Wi pulaktutu:

  • Akxtum tuku wan. Biblia tsokgkgolh max tipuxum lakchixkuwin chu akgtum mil akgchaxan ciento kata litsokgkgolh. Maski chalhuwa ni lalakgapasli, Biblia akxtum tuku wan chu watiya tema lichuwinan.

  • Nitu matsekgkgolh tiku tsokgkgolh. Tiku lichuwinankgo tuku lanita ni wankgo akxni katlajakan xkachikinkan. Pero, tiku tsokgkgolh Biblia ni matsekgkgolh tuku nitlan tlawakgolh chu nachuna tuku nitlan tlawakgolh xkachikinkan (2 Crónicas 36:15, 16; Salmo 51:1-4).

  • Kgantaxtu putum tuku wan pi nala. Akxni xtsankga akgtiy ciento kata, Biblia xlichuwinanit pi xʼamaka malakgsputukan xamakgan kachikin Babilonia (Isaías 13:17-22). Chu ni kaj lichuwinalh la xʼamaka malakgsputukan kachikin, na wa xtukuwani tiku xʼama masputu (Isaías 45:1-3).

    Amakgapitsi tuku xwankanit pi nala liwana kgantaxtulh. Chu chuna xlakata wa xTachuwin Dios (2 Pedro 1:21).

 KALILAKPUWANTI UMA

¿La tlan nakimakgtaya xTachuwin Dios?

Natekgsa xtakgalhtin Biblia anta KʼISAÍAS 48:17, 18 chu 2 TIMOTEO 3:16, 17.