Kaʼax ja bʼa sbʼaʼal

Taʼumantiʼik bʼa Jyoba

Stsajel jun kʼumal tojol-abʼal

Ja taʼumantiʼik bʼa Jyoba, ¿jun maʼ relijyon bʼa kontra aye soka Katoliko?

Ja taʼumantiʼik bʼa Jyoba, ¿jun maʼ relijyon bʼa kontra aye soka Katoliko?

Miyuk. Ja taʼumantiʼik bʼa Jyoba snochumane ja Jesus, pe mi wa xkalatikon kontra ayotikon soka Katolikoʼi (protestante).

Anima ja taʼumantiʼik bʼa Jyoba mi xkʼuʼantikon jitsan ja sjejelik yiʼojeʼi, pe mi ti chʼikanukotikon soka relijyonik matik kontra aye soka Katoliko. La kiltik chabʼ rasonik:

  1. Ja relijyonik matik kontra aye soka Katoliko ayiʼoje jujuntik skʼuʼajelik bʼa mi jachukuk wa sjeʼa ja Biblia. Jun sjejel, ja Biblia wa sjeʼa «quechan june ja jDiostiqui» sok mi oxeʼuk (1 Timoteo 2:5; Juan 14:28). Chomajkil, ja Biblia wa sjeʼa ja Dyosi mi wa xya yiʼ wokol bʼa tolabida bʼa yoj kʼakʼ ja matik maloʼi, pes wani xchʼaya snajel bʼa tolabida (Salmo 37:9; 2 Tesalonicenses 1:9).

  2. Ja jas wa xkʼanatikoni mi jaʼuk stukbʼesel ja Katoliko sok mini ja tuk relijyoniki. Pes jani wajel jkʼujoltikon xcholjel ja lekil rason sbʼaja sGobierno ja Dyosi sok skoltajel ja ixuk winiki aʼajyuk yujile skʼuʼajel sbʼaja lekil rasonik jaw (Mateo 24:14; 28:19, 20). Mi wa xkʼanatikon stukbʼesel mini jun relijyon, jaʼitani sjejelyi ja matik wa smaklayotikoni ja smeranil sbʼaja Dyos soka bʼa yabʼalili (Colosenses 1:​9, 10; 2 Timoteo 2:​24, 25).