Kaʼax ja bʼa sbʼaʼal

Kaʼax ja bʼa xchabʼil menú

Taʼumantiʼik bʼa Jyoba

tojol-abʼal

¿Jastal wa xkʼulaxi ja sjejel bʼa Biblia wa skʼapawe ja taʼumantiʼik bʼa Jyoba?

¿Jastal wa xkʼulaxi ja sjejel bʼa Biblia wa skʼapawe ja taʼumantiʼik bʼa Jyoba?

Ja sjejel bʼa Biblia wa skʼapawe ja taʼumantiʼik bʼa Jyoba wa xyaʼa sjakʼjel bʼa jitsan sjobʼjelik. Jujuntik ja bʼa sjobʼjeli jaʼa it:

  • ¿Machunkiluk ja Dyosi?

  • ¿Meran maʼ wa xcham skʼujol bʼa keʼna ja Dyosi?

  • ¿Jastal oj jkʼuluk bʼa oj ka tsatsbʼuk ja jnupaneli?

  • ¿Jastal stajel jun jsakʼanil bʼa gusto lek?

Ja bʼa yibʼeli wa xyaʼa ja sjakʼjelik sbʼaja sjobʼjelik mas tikʼanik wa x-axi sbʼaja jastal wa xkʼulxi ja sjejel bʼa Biblia wa xkʼulantikoni.

¿Jastal wa skʼulane ja sjejeliki? Wa xpaklaytikon ja Biblia jach jujune loʼilik. Jun sjejel, ta wantik spaklajel ja loʼil sbʼaja «smodoʼik yiʼoj ja Dyosi» ma «ja ajyel gustoʼil ja bʼa nupaneli», wa xpaklaxi ja tekstoʼik bʼa Biblia bʼa wa slaja sbʼaj soka loʼili. Yajni wa xkatik slaj sbʼaji, wa x-ilxi ja jasa wa sjeʼa ja Biblia sbʼaja loʼil jaw, anima mi xkabʼtik stojolil sbʼa jun loʼil, tini oj ya kabʼtik stojolil bʼa Biblia.

Ja bʼa sjejeli wa xkatikon makunuk ja libro ¿Jasa wa sjeʼa meran lek ja Biblia?, pes ja it juni juʼun jel xmakuni. Wa xcholo jaman lek ja jasa wa xyala ja Biblia sbʼaja Dyosi, sbʼaja Jesús, sbʼaja bʼa tyempo jakumto sok tuk jasunuk.

¿Janekʼ wa xtupxi ja sjejel bʼa Biblia? Ja sjejeli kʼebʼubʼal, sok mi xtupxi ja juʼunik wa xmakuni.

¿Janekʼ wa-x albʼi ja sjejeliki? Jitsan ixuk winik bʼobʼta wa spaklaye jun ora ja bʼa semana. Pe bʼobʼta ja sjejelik oj albʼuk mas ja jun ora ma mi tsʼikanuk. Ja jaw weʼnani oja wil bʼaya mas lek xa wila.

¿Jasa oj majlay ta akʼana jun sjejel bʼa Biblia? Jun taʼumantiʼ bʼa Jyoba oj yulataya ja bʼa ora soka lugar mas lek xa wila bʼa oj sjeʼawi jastal wa xkʼulaxi jun sjejel bʼa Biblia. Ta leka wila sok waxa kʼana oja nochyi skʼulajel, ja Taʼumantiʼi jelni sgusto oj kumxuk bʼa oj yulataya.

Ta jkʼana jun sjejel bʼa Biblia, ¿tʼilan maʼ oj ochkon taʼumantiʼ bʼa Jyoba? Miyuk. Ja taʼumantiʼik bʼa Jyoba jelni gusto wa xjeʼatikonyi ja ixuk winik sbʼaja Biblia, sok mi wa xtʼenatikon bʼa oj paxuke Taʼumantiʼ. Wa xjeʼatikon yile bʼa jun modo toj ja jasa wa sjeʼa ja Biblia, sok wa xnaʼatikon yeʼnani ayiʼoje derecho bʼa stsajel ja tikʼe skʼuʼajel oj yiʼeʼi (1 Pedro 3:15).