Kaʼax ja bʼa sbʼaʼal

Kaʼax ja bʼa xchabʼil menú

Taʼumantiʼik bʼa Jyoba

tojol-abʼal

¿Janekʼ taʼumantiʼ bʼa Jyoba ay ja bʼa luʼumkʼinali?

¿Janekʼ taʼumantiʼ bʼa Jyoba ay ja bʼa luʼumkʼinali?

Datoʼik ja bʼa jabʼil * 2016

Ja janekʼ taʼumantiʼik bʼa Jyoba ay ja bʼa luʼumkʼinali

8,340,982

Kongregasyonik

119,485

País sok lugarik bʼa wa xcholotikon

240

¿Matik jun wa x-ochye kwenta jastal taʼumantiʼik bʼa Jyoba?

Wa xkatikon och kwenta jastal taʼumantiʼik bʼa Jyoba kechan ja matik wa xcholowe ja lekil rason sbʼaja sGobyerno ja Dyosi spetsanil ja ixawiki (Mateo 24:14). Ja jaw jani ja Taʼumantiʼik matik yiʼunejexa jaʼi soka matik alubʼal ojxa bʼobʼ eluke xcholjeli, pe mito yiʼunejuke jaʼ.

¿Tʼilan maʼ oj axuk jun donación bʼa jachuk june oj kʼot taʼumantiʼ bʼa Jyoba?

Miyuk. Ja donacioni mini ti chʼikanuk bʼa jachuk june oj axuk och kwenta jastal Taʼumantiʼ ma bʼa oj ajukyi jun xchol (Hechos 8:18-20). Pes tʼusan mi spetsaniluk ja donacioni mini xnaxi ja sbʼiʼil ja matik wa xyaʼa. Spetsanil ja Taʼumantiʼiki wa xkoltaniye bʼa akʼulaxuk ja kaʼteltikon bʼa spetsanil ja Luʼumi; wa xyaʼawe ja styempoʼe, ja yipe soka jastik sbʼajeʼi, pe jani ja janekʼ wa xlajxi yujileʼi (2 Corintios 9:7).

¿Jastal wa snaʼawe janekʼ ja bʼa yeʼnle wa xcholowe spetsanil ja ixawiki?

Spetsanil ja ixawiki, ja Taʼumantiʼiki wa xyaʼawe ja bʼa kongregasyon wa xwajye ja janekʼ ora xcholowe ja ixawi. Pe ja it mi tʼenubʼaluk wa xyaʼawe.

Ja oraʼik wa xyaʼaweʼi wa x-axi kwenta spetsanil sok wa xjekxi ja bʼa Naʼits Betel yiʼoje ja bʼa srejyoneʼi. Tsaʼan, bʼa jujune ja Betel wa x-axi kwenta spetsanil ja oraʼiki ja bʼa lugarik yaman yuji sok wa sjekawe ja bʼa mero yechalil skʼeljel ja kaʼteltikoni.

Yajni wa xchʼak ja jabʼili, * wa x-ilxi ja janekʼ Taʼumantiʼ ay bʼa jujune ja lugari. Anto wa x-axi kwenta bʼa oj ilxuk janekʼ Taʼumantiʼ ay ja bʼa luʼumkʼinali. Ja bʼa libro Anuario de los testigos de Jehová wa x-axi jun imporme bʼa jujune ja paisiki sok jujuntik imporme sbʼaja xcholjeli. Ja jaw jumasaʼ wa snikawotikon, jastalni ekʼ sbʼaje ja bʼajtan nebʼumaniki (Hechos 2:41; 4:4; 15:3).

¿Wan maʼ x-och kwenta ja matik wa xwajye ja bʼa tsomjeliki ma wane yijel jun estudio pe mito x-elye ja bʼa xcholjeli?

Anima mi xkatikon och kwenta ja bʼa janekʼ Taʼumantiʼ ayi, pe jelni xyaʼakitikon gusto ja wa stsomo sbʼaje jmoktikoni. Jitsan bʼa yeʼnle wa xwajye ja bʼa tsomjel bʼa yajel julel jkʼujoltik ja xchamelal ja Jesús. Ja yuj, wani xbʼobʼ jnatik janekʼe ja yeʼnle ta mi katik och kwenta ja Taʼumantiʼik stsomo sbʼajeʼi. Ja bʼa 2016 stsomo sbʼaje 20,085,142 ja bʼa yajel julel jkʼujoltik ja xchamelal ja Jesús.

Jitsan ja matik mi xwajye ja bʼa jtsomjeltikoni wa x-aji yile jun sjejel kʼebʼubʼal bʼa Biblia. Ja bʼa 2016, ja bʼa ixawiki axi junuk 10,115,264 sjejelik bʼa Biblia. Sok jujuntik ja bʼa it ayni mi kechanta june wa x-ajyi ja bʼa sjejeli.

¿Jas yuj ja janekʼ Taʼumantiʼ wa xchiknaji ja bʼa censo wa xkʼulaxi mas aʼay yuja janekʼ waxa walawex ja weʼnlexi?

Ja datoʼik wa xtax ja bʼa censo jani sjobʼjel yile ja ixuk winik jas tikʼe relijyonuk yiʼoje. Jun sjejel, ja bʼa opisina bʼa wa xkʼulxi Censar ja bʼa Estados Unidos wa xyala june ja bʼa jasa wa skʼanaweʼi jani «yiljel ta ja matik wa xkʼulji censari aye bʼa jun kʼole relijyon». Chomajkil wa xyala ja janekʼ ixuk winik wa x-axi kwenta jaʼita soka jastal wa spensaraneʼi sok mi jaʼuk soka jasa wa skʼulaneʼi. Pe ja keʼntikoni, mi xkatikon och kwenta ja matik wa sjeʼa sbʼaje jastal taʼumantiʼik bʼa Jyoba, jaʼita ja matik wa xcholowe sbʼaja sGobyerno ja Dyosi sok wa sjekawe ja janekʼ xcholweʼi.

^ par. 2 Wa xkatikon kwenta ja jabʼili bʼa 1 bʼa septiembre man 31 bʼa agosto bʼa pilan jabʼil. Jun sjejel, ja jabʼil 2015 kʼe bʼa 1 bʼa septiembre bʼa 2014 sok chʼak bʼa 31 bʼa agosto bʼa 2015.

^ par. 16 Wa xkatikon kwenta ja jabʼili bʼa 1 bʼa septiembre man 31 bʼa agosto bʼa pilan jabʼil. Jun sjejel, ja jabʼil 2015 kʼe bʼa 1 bʼa septiembre bʼa 2014 sok chʼak bʼa 31 bʼa agosto bʼa 2015.