Kaʼax ja bʼa sbʼaʼal

Kaʼax ja bʼa xchabʼil menú

Taʼumantiʼik bʼa Jyoba

tojol-abʼal

¿Wan maʼ skʼuʼane ja taʼumantiʼik bʼa Jyoba ja Dyos skʼulan ja luʼum kechan bʼa wake kʼakʼu bʼa 24 oraʼik?

¿Wan maʼ skʼuʼane ja taʼumantiʼik bʼa Jyoba ja Dyos skʼulan ja luʼum kechan bʼa wake kʼakʼu bʼa 24 oraʼik?

Miyuk. Anima ja taʼumantiʼik bʼa Jyoba wani xkʼuʼantikon lek yeʼnani skʼulan ja Dyos ja jastik junuki, pe mini xkʼuʼantikon ja Dyos skʼulan ja luʼum kechan bʼa wake kʼakʼu bʼa 24 oraʼik. ¿Jas yuj? Yujni ay jujuntik ja jas wa xyalawe mi jachuk wa sjeʼa ja Biblia. La jpaklaytik chabʼe sbʼaja it.

  1. ¿Janekʼ mero tyempo albʼi ja wake kʼakʼu kʼe kʼulaxuk ja jastik junuki? Ayni wa xyalawe ja wake kʼakʼu kʼe kʼulaxuk ja jastik junuki, kʼakʼujik bʼa 24 oraʼik. Pe ja bʼa Biblia, ja yaljel kʼakʼu wa xbʼobʼ stojoluk tyempo bʼa mas albʼel (Génesis 2:4; Salmo 90:4).

  2. Ja janekʼ tyempo yiʼoj ja luʼumi. Jujuntik wa sjeʼawe ja luʼumi kechan yiʼoj junuk milik jabʼil. Pe ja Biblia wa xyala ja luʼumi sok ja satkʼinali tixani ay bʼajtanto yuj ja wake kʼakʼu kujlaji ja jastik junuki (Génesis 1:1). Ja yuj ja taʼumantiʼik bʼa Jyoba wani xkʼuʼantikon ja jas wa xyalawe bʼa meran ja ixuk winik jel chapan aye bʼa wa xyalawe ja luʼum kujlaji jitsanxa miyonik jabʼil.

Ja taʼumantiʼik bʼa Jyoba wani xkʼuʼantikon sbʼaja jastik chʼak kʼulajuki, mi kontra ayukotikon soka matik jel chapaneʼi. Wani xnaʼatikon lek ja jas wa sjeʼa ja Biblia wani slaja sbʼaj soka jas wa sjeʼa ja ixuk winik matik jel chapaneʼi.