Kaʼax ja bʼa sbʼaʼal

Taʼumantiʼik bʼa Jyoba

Stsajel jun kʼumal tojol-abʼal

¿Jas yuj ja taʼumantiʼik bʼa Jyoba wa xyulataye ja matik ayxa jun srelijyoni?

¿Jas yuj ja taʼumantiʼik bʼa Jyoba wa xyulataye ja matik ayxa jun srelijyoni?

Kilunejtikon jitsan ixuk winik matik ayxa jun srelijyoni jel sgustoʼe ja ochel loʼil soka jas wa xyala ja Biblia. Meran, ja keʼntikoni wani xkisatikon ja sderecho yiʼoj ja ixuk winik sbʼaja tikʼe skʼuʼajel oj yiʼeʼi, sok ja yuj mini maʼ wa xtʼenatikon a-skʼuʼuke ja jas wa xcholotikoni.

Yajni wa xtaʼatikon tiʼal bʼa relijyon, wani xkʼujolantikon snochjel ja rason wa xyaʼa ja Biblia bʼa slejel «modo jastal ba tzamal» oj kaltikon sok skisjel ja ixuk winiki (1 Pedro 3:15). Wani xnaʼatikon ayni maʼ mi oj skis-e ja lekil rasoni (Mateo 10:14). Pe ta mikʼa xtaʼatikon loʼil ja ixuk winiki, mini oj jnatikon ta oj skis-e ja lekil rasoni. Chomajkil, ja jastal wa xtaxye ja ixuk winiki ojni bʼobʼ tukbʼuka.

Jun sjejel, bʼobʼta june jel ja yaʼteli sok mi xbʼobʼ tawanuk loʼil, pe bʼa pilan kʼakʼu bʼobʼta masni ay styempo bʼa oj tawanuk loʼil. Chomajkil, bʼobʼta ja ixuk winiki x-ekʼ sbʼaje wokol ma chikan jasunuk bʼa oj nijkesjuk slejel ja tojelal wa xyaʼa ja Biblia. Ja yuj wani xkʼujolantikon stajel loʼil jitsan ekʼele ja ixuk winiki.