Kaʼax ja bʼa sbʼaʼal

Taʼumantiʼik bʼa Jyoba

Stsajel jun kʼumal tojol-abʼal

Potoʼik ja bʼa naʼits Warwick 2 (septiembre man diciembre bʼa 2014)

Potoʼik ja bʼa naʼits Warwick 2 (septiembre man diciembre bʼa 2014)

Ja potoʼik it wa sjeʼa ja jujuntik aʼtelik kʼulaxi ja bʼa septiembre sok diciembre bʼa 2014 ja bʼa yajkʼachil naʼits bʼa mero yechalil skʼeljel ja yaʼtele ja taʼumantiʼik bʼa Jyoba bʼa yibʼanal ja luʼumi.

Dibujo bʼa jastal oj kanuk ja naʼits bʼa Warwick.

  1. Snajtsil bʼa stojbʼesel karroʼik

  2. Lugar bʼa yajelkan ja skarroʼik ja ulatanumiki

  3. Snajtsil bʼa stojbʼesel jastik junuk sok lugar bʼa snoljel ja karroʼiki

  4. Naʼits bʼa kwartoʼik B

  5. Naʼits bʼa kwartoʼik D

  6. Naʼits bʼa kwartoʼik C

  7. Naʼits bʼa kwartoʼik A

  8. Naʼits bʼa opisinaʼik sok bʼa wa xkʼulxi tuk aʼtelik

11 bʼa septiembre bʼa 2014 (Lugar bʼa yajelkan ja skarroʼik ja ulatanumiki)

Aʼtijumik wane stojbʼesel bigasik bʼa acero bʼa oj ochuk ja bʼa yolom naʼits bʼa kwartoʼik C.

18 bʼa septiembre bʼa 2014 (Lugar bʼa wan tojbʼel ja naʼits Warwick)

Chikan och ja pampa jaʼ Sterlig Forest (Blue Lake) ja bʼa sur bʼa wan tojbʼel ja naʼitsi. Ja il ayni ekʼele aji makunuk jun 13 grulla bʼa junta tyempo ja bʼa aʼteli. Ja jas wa x-ilxi och jani wane stʼoljel ja sokubʼal graba sok cemento bʼa yojyal ja naʼits bʼa kwartoʼik B.

26 bʼa septiembre bʼa 2014 (Naʼits bʼa opisinaʼik sok bʼa wa xkʼulxi tuk aʼtelik)

Wa x-ilxi ja yojyalik sok bigasik bʼa acero bʼa lekxa ay. Ja jastal chapubʼal oj tojbʼuk ja naʼitsi wa xya ajyuk mas jaman ja lugar sok jach mi jel oj albʼuk stojbʼesel.

9 bʼa octubre bʼa 2014 (Lugar bʼa wan tojbʼel ja naʼits Warwick)

Jun tsome aʼtijum wane stojbʼesel ja yolom naʼits bʼa kwartoʼik C, ja it potsubʼal sok jun tikʼe takʼin sok jun tikʼe kʼuʼuts bʼa mi xya och jaʼ ja bʼa yojoli. Jaxa bʼa surdaʼil mas ochel ochi wane skʼulajel jusmo jastal ja naʼits it, pe mas yal chʼin.

15 bʼa octubre bʼa 2014 (Naʼits bʼa opisinaʼik sok bʼa wa xkʼulxi tuk aʼtelik)

Jujuntik aʼtijumik wane yajel och bigasik bʼa acero ja bʼa xchikin ja suroeste ja bʼa naʼitsi. Ja bʼa il ti oj ajyuk ja cocina, ja comedor, bʼa wa-xchukʼxi kʼuʼutsi sok tuk opisinaʼik bʼa koltanel.

15 bʼa octubre bʼa 2014 (Lugar bʼa wan tojbʼel ja naʼits Warwick)

Jun aʼtijum wan stojbʼesel ja drenajeʼi wan ajelyi ekʼelyi jun mes.

20 bʼa octubre bʼa 2014 (Lugar bʼa wan tojbʼel ja naʼits Warwick)

Ja sat naʼits ma pakʼabʼ it tojbʼesji bʼa oj kʼulxuk probar ja mesklaʼik oj yiʼ sok bʼa oj ilxuk jastal oj pakʼxuk ja lagriyoʼiki. Chomajkil makuni bʼa oj chapjuke ja albanyil jumasaʼ maʼ ajkʼacheto. Ja bʼa potoʼi wa x-ilxi jun aʼtijum wanxa sjomjel el yujni chʼakta ja xcholi.

31 bʼa octubre bʼa 2014 (Naʼits bʼa kwartoʼik C)

Jun grulla wan slikjel jun tikʼe takʼin oj ajuk ochuk ja bʼa yolom ja naʼitsi. Ja yolom toro naʼits tey bʼa xchikinik ja bʼa naʼits bʼa kwartoʼik wa xya tsamalbʼuk skʼeljel.

7 bʼa noviembre bʼa 2014 (Snajtsil bʼa stojbʼesel jastik junuk sok lugar bʼa snoljel ja karroʼik)

Wan ochel kan jun tanke bʼa gasolina bʼa 95,000 litro. Ja gas it oj axuk makunuk bʼa skʼixnajel ja niwak kalderaʼik jaʼi.

12 bʼa noviembre bʼa 2014 (Naʼits bʼa kwartoʼik C)

Ja jastal wa x-ilxi ja bʼa sur ja naʼitsi. Ja bʼa xchikin stojol jkʼabʼtiki wa x-ilxi ja pampa jaʼi. Ja tuktukil yelaw soka jastal tojbʼel ja naʼitsi wa xya tsamalbʼuk skʼeljel.

21 bʼa noviembre bʼa 2014 (Snajtsil bʼa stojbʼesel jastik junuk sok lugar bʼa snoljel ja karroʼik)

Jun nupanum, xchawanile plomeroʼik, wane xchʼikjel tuboʼik bʼa oj wajuk ja jaʼi bʼajtanto yuj oj tʼoljukyi ja sokubʼal graba sok cemento ja bʼa piso.

28 bʼa noviembre bʼa 2014 (Naʼits bʼa opisinaʼik sok bʼa wa xkʼulxi tuk aʼtelik)

Jujuntik aʼtijumik wane yajel eluk ja teʼew bʼa yolom naʼitsi.

1 bʼa diciembre bʼa 2014 (Snajtsil bʼa stojbʼesel jastik junuk sok lugar bʼa snoljel ja karroʼik)

Jun nupanum plomeroʼike wane skʼeljel ja jastik ayto skʼana stojbʼeseli.

10 bʼa diciembre bʼa 2014 (Snajtsil bʼa stojbʼesel jastik junuk sok lugar bʼa snoljel ja karroʼik)

Anima jel wan koʼel ja teʼew, mi xyaʼawekan ja aʼtel bʼa sjokʼjel ja luʼumi, bʼa stojbʼesel ja jastik oj yiʼ ja yolom naʼitsi sok bʼa stʼoljelyi ja sokubʼal graba sok cementoʼi ja bʼa piso. Ja bʼa poto bʼa xchikin och surdaʼil bʼa xchabʼil piso wa x-ilxi makubʼal sok jun tikʼe lona bʼa plastico. Soka it wa xbʼobʼ kʼulaxuk ja aʼteli anima jel wan koʼel ja teʼewi.

12 bʼa diciembre bʼa 2014 (Naʼits bʼa kwartoʼik D)

Jujuntik aʼtijumik wane yajel ochuk jun tikʼe jasunuk bʼa mi oj tsupinuk ja stabʼil ja jaʼi bʼa yojol ja sat naʼitsi soka bʼa yojyalik bʼajtanto yuj oj makjuk.

15 bʼa diciembre bʼa 2014 (Lugar bʼa wan tojbʼel ja naʼits Warwick)

Poto akʼubʼal eluk man nalanchaʼan. Ja bʼa mas najat ochi wa x-ilxi ja naʼitsik bʼa kwartoʼiki. Ja sakal naʼitsi tey bʼa nalanajeli jani ja naʼits bʼa opisinaʼik sok bʼa wa xkʼulxi tuk aʼtelik. Ja sniwanili ja luʼumi ayiʼoj junuk 100 hectárea, kechan ja 20% yamubʼal ja luʼumi ja bʼa wan kʼeʼel ja naʼitsi. Ja yuj, ja yax kʼuli mini yamubʼaluk.

15 bʼa diciembre bʼa 2014 (Lugar bʼa wan tojbʼel ja naʼits Warwick)

Poto akʼubʼal eluk man nalanchaʼan bʼa lado este. Ja bʼa koʼeli wa x-ilxi ja naʼits bʼa kwartoʼik C sok D. Ja bʼa naʼits bʼa kwartoʼik C ay aʼtijumik wane yajel ochuk ja jastik wa xyiʼaj ja bʼa yolom toro naʼits tey bʼa xchikiniki..

25 bʼa diciembre bʼa 2014 (Naʼits bʼa kwartoʼik C)

Jun kalpintero wan yajel ochuk ja piso bʼa teʼ bʼa jun kwarto. Ay chane tikʼe bʼa jastal oj kanuk ja kwartoʼiki. Sbʼaj it ti chʼikan ja tikʼe yelaw ja pintura, ja alfombra, ja piso, ja azulejosi sok ja cocina.

31 bʼa diciembre bʼa 2014 (Naʼits bʼa opisinaʼik sok bʼa wa xkʼulxi tuk aʼtelik)

Jun aʼtijum wan xchʼakjel yajel ochuk ja piso bʼa cemento bʼa jachuk oj kantik tinan bʼa oj bʼobʼ wajuk ja jaʼi.

31 bʼa diciembre bʼa 2014 (Naʼits bʼa kwartoʼik C)

Jun aʼtijum bʼa chapan ayiʼoj 77 sjabʼili wan xchʼikjel jun kable (fibra óptica). Yajni xchʼak kʼeʼuk ja naʼitsi axita makunuk junuk 32 kilometro ja bʼa kable it.