Yajni xa bʼatsayi ja yal kwagro bʼa stajel jun kʼumal ja bʼa sitio it, oja wil ay mas ja 300 kʼumaliki. Jitsan kʼumalik bʼa mini xbʼobʼa taʼ bʼa tuk sitioʼik bʼa Internet.

Anima jujuntik sitioʼik bʼa Internet wa xtax bʼa jitsan kʼumalik, pe mini june ja bʼa sitioʼik jaw oj slaj ja jw.org. La kiltik jujuntik sjejel. Bʼa julio bʼa 2013, ja sitio yiʼoj ja Naciones Unidas wa xbʼobʼ taxuk bʼa 6 kʼumalik, sok jaxa bʼa Union Europea wa bʼobʼ taxuk bʼa 24 kʼumal. Ja sitio yiʼoj ja Google wa tax bʼa 71 kʼumalik, sok jaxa Wikipedia wa xbʼobʼ taxuk temaʼik bʼa 287 kʼumalik.

Sutjel jun sitio bʼa Internet bʼa mas ja 300 kʼumaliki wani xyiʼaj jitsan oraʼik. Jitsan taʼumantiʼik bʼa Jyoba bʼa yibʼanal ja luʼumi wani xkoltaniye bʼa sutjel bʼa jitsan kʼumalik bʼa oj axukyi stoyjel ja Dyosi. Ja jasa yiʼoj ja sitio wa xtsʼijbʼaxi bʼa inglés, sok bʼa jujune ja kʼumaliki ay jun kʼole ixuk winik chapane lek bʼa wa xyaʼawe kʼebʼubʼal ja styempoʼeʼi bʼa sutjel ja bʼa skʼumaleʼi.

Ja sitio jw.org ayiʼoj mas ja 200,000 paginaʼik sutubʼal bʼa mas ja 300 kʼumali, ¡jelni cham yabʼjela!

Ja jw.org chikan maʼ wa xbʼobʼ ochuk, sok jelni jitsan ja maʼ wa x-ochye ja bʼa sitio it. Ja it wani xbʼobʼ jnatik yuja lista yiʼoj ja empresa Alexa, bʼa jaʼ wa xcholane skʼeljel ja janekʼ wa ochye ja bʼa sitio bʼa Interneti. Ayni mas ja 87,000 sitio wa xtax bʼa wa staʼa tiʼal sbʼaja «Relijyon sok bʼa Dyosi», ti chʼikan ja relijyonik mas niwaniki soka bʼa chʼin relijyoniki. Ja julio bʼa 2013, ¡ja jw.org tini wa xtax bʼa xchabʼil lugar ja bʼa lista it! Jaxa bʼajtan lugari jani yiʼoj ja sitio bʼa wa xbʼobʼa taʼ tuktukil Bibliaʼik sutubʼal.

Ja octubre bʼa 2013, wa x-ochye ja bʼa sitio jw.org mas ja 890,000 ja bʼa jun ita kʼakʼu. Sok wani xkʼanatikon yajel el mas juʼunik elel bʼa Biblia jach kʼebʼubʼal sbʼaja ixuk winiki chikan bʼa wa xtaxye.