Kaʼax ja bʼa sbʼaʼal

Kaʼax ja bʼa xchabʼil menú

Taʼumantiʼik bʼa Jyoba

tojol-abʼal

Jun lugar jel chaʼanyabʼalil bʼa sjejel sbʼaja Biblia ja bʼa Francia

Jun lugar jel chaʼanyabʼalil bʼa sjejel sbʼaja Biblia ja bʼa Francia

Ja jitsan ixuk winik wajye ja bʼa Feria Internacional 2014 bʼa Ruán (chonabʼ wa xkan bʼa norte bʼa Francia) yawe el slekilal ja jas yilawe jel chaʼanyabʼalil sbʼaja Biblia bʼa wa xyoloman: «Ja Biblia: bʼa najate, bʼa jtyempotik soka bʼa tyempo jakumto».

Sbʼaja lugar it ajyi telebisyonik bʼa wa x-ekʼ jun bideo sbʼaja Bibliaʼik tsʼijbʼaxikan ja bʼa tyempo najate. Ja matik mojxiye och bʼa skʼeljel ja bideo, chomajkil snebʼawe ja Biblia ayni yiʼoj lekil rasonik bʼa wa xkoltani, juni juʼun wa slaja sbʼaj soka jastik ekʼeljan ja bʼa jtyempotiki soka jastik kʼotel snaʼuneje ja ixuk winik sbʼaja luʼumkʼinali, sok jelni pukxel ekʼ ja Biblia.

Chomajkil ja bʼa lugar it jexi jastal ja Biblia mini akʼubʼal chʼayuk snajel man jtyempotik sok jastal pukxel ekʼ bʼa tuktukil modo, jach bʼa juʼun ma skʼeljel bʼa jun aparato. Ja matik mojxiye bʼa skʼeljel ja jastik ayi, ajiyile jun sBibliaʼe bʼa la Traducción del Nuevo Mundo, jun juʼun yaʼuneje eluk ja taʼumantiʼik bʼa Jyoba bʼa mas ja 120 kʼumalik.

Ja matik mojxiye bʼa skʼeljel ja jastik ayi, yaʼaweyi tsʼakatal ja Taʼumantiʼiki yuja wa xyaʼawe ja Biblia bʼa oj skʼumuk ja ixuk winiki. Jun ixuk wa x-aʼtiji bʼa skoltajel ja keremtiki waj sok jun tsome keremtik akʼixuk ja bʼa lugar it sok yala: «Ja Biblia juni juʼun akʼubʼalkankitik yuja matik ekʼpaxtakujtiki. Juni juʼun bʼa ay yip. Pes ja ekʼeleʼik wa xkʼumani, wa skoltayon snajel jas oj jkʼuluk soka jastik wa xya chamjkʼujoli».

Jun ixuk awelxa bʼa ayxa yiʼoj 60 jabʼil jel chamyila ja kʼebʼjiyi jun Biblia, ja yeʼn yala: «Jelni lek ja oj jkʼumuktik jpetsaniltiki; jel xmakunikujtik».