Kaʼax ja bʼa sbʼaʼal

Kaʼax ja bʼa xchabʼil menú

Taʼumantiʼik bʼa Jyoba

tojol-abʼal

Kerem akʼixuk wa skoltaye ja smojiki bʼa akuchyujile ja ixtalanel bʼa eskwela

Kerem akʼixuk wa skoltaye ja smojiki bʼa akuchyujile ja ixtalanel bʼa eskwela

Ajkʼachto, jun institusyon bʼa Inglaterra yayi ja premio Diana jun yal kerem sbʼiʼil Hugo, bʼa ayiʼoj 10 jabʼil, yuja skoltay ja smojiki bʼa akuchyujile ja ixtalanel bʼa eskwela.

Ja Hugo yala: «Stsʼakatal ja bideo Cómo defenderme sin dar un solo golpe ajiki ja premio. Stsʼakatal soka jas jnebʼa ja bʼa bideo it wa xtax bʼa jw.org, skoltunejon bʼa oj jkoltay ja jmojiki bʼa akuchyujile ja ixtalanel bʼa eskwela».

Ja ixtalanel wa x-ajyi bʼa eskwelaʼiki, «juni wokol jel wan ekʼel sbʼaje ja keremtik akʼixuk ja bʼa luʼumkʼinali. [...] Pe ayni jas wa xbʼobʼa kʼuluk». (Xetʼan ja bʼa bideo Cómo defenderte sin dar un solo golpe)

Ja Hugo sjeʼayi ja bideo ja smaestroʼiki, tsaʼan chapxi bʼa jachuk spetsanil ja eskwelanteʼik oj bʼobʼ ochuke ja bʼa sitio bʼa Internet bʼa taʼumantiʼik bʼa Jyoba. Ja wego, jitsan ja smoj ja Hugo, bʼa ayiʼoj 8 sok 10 ja sjabʼile, tikʼan wa x-ochye ja bʼa sitio it bʼa Internet. Ja yeʼnleʼi wa xyalawe staʼuneje skoltajele bʼa akuchyujile ja ixtalanel bʼa eskwela. Chomajkil, koltubʼale bʼa stajel sjakʼjelik ja bʼa sjobʼjelik tʼilan. Jastal ja cómo conseguir amigos verdaderos.

Jastik skʼulajel sbʼaja ixtalanel bʼa eskwelaʼiki

Bʼa pilan eskwela bʼa Inglaterra, jun yal kerem sbʼiʼil Elijah, bʼa ayiʼoj 8 ja sjabʼili, jel wa x-ixtalaji ja bʼa yeskwela. Ja yuj, ja yeʼn soka spamilya skʼelawe ja bideo Cómo defenderte sin dar un solo golpe, tixa kʼe snebʼ-e jastal oj skolta sbʼaj ja yajni ixtalaji ja bʼa yeskwela. Soka it, koltaji bʼa mi oj xiwuk ja yajni wa stʼaspun ja wokol jawi. Tsaʼan, eljul jun semana bʼa staʼawe tiʼal ja ixtalanel wa x-ajyi ja bʼa eskwela, ja smaestro ja Elijah sjeʼa ja bideo bʼa spetsanil ja eskwelanteʼiki.

Pe ja wokol it bʼa ixtalanel ja bʼa eskwelaʼik mi kechanuk wan ekʼel ja bʼa Inglaterra; cha wani ekʼel bʼa spetsanil ja luʼumkʼinali. Sok ja bideo Cómo defenderte sin dar un solo golpe, wan skoltajel ja keremtik akʼixuk bʼa chikan bʼaʼa.

Ja bʼa Estados Unidos, jun yal akʼix sbʼiʼil Ivie, bʼa ayiʼonej 10 ja sjabʼili, jel xiwyuj jun smoj bʼa eskwela yuja jel x-ixtalaji. Tsaʼan yajni skʼela ja bideo Cómo defenderte sin dar un solo golpe, ja Ivie mini xiwi bʼa oj skolta sbʼaj. Chomajkil staʼa loʼil ja smaestra, bʼa koltaji soka swokoli. Ja smoj bʼa yeskwela skʼanayi perdon, ja wego jelxa lek xyila sbʼaje.

Ja taʼumantiʼik bʼa Jyoba wani xcham jkʼujoltikon bʼa lek oj ajyuke ja keremtik akʼixuki. Ja yuj, ojni katikon eluk mas sjejelik bʼa skoltajel soka wokolik wa stʼaspune ja bʼa sakʼanileʼi jastal ja bʼa ixtalanel bʼa eskwela.