Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani  |  Diciembre bʼa 2015

 YOLOMAJEL JA BʼA SPATIKI | ¿OJ MAʼ KABʼTIK STOJOLIL JA BIBLIA?

¿Wan maʼ xkoltani ja skʼumajel ja Biblia?

¿Wan maʼ xkoltani ja skʼumajel ja Biblia?

«Ja Biblia jun libro bʼa relijyon bʼa jel naʼubʼal sbʼaj. Pe mini tʼun ti chʼikanuk soka kostumbre yiʼoj ja China.» (LIN, BʼA CHINA)

«Mini ja libroʼik ja bʼa jrelijyon hindú wa xkabʼ stojolil. Anto, ¿jastal xa oj kabʼ stojolil ja Biblia?» (AMIT, BʼA INDIA)

«Wani xkisa ja Biblia yujni jun libro bʼa najate sok wa xnaʼa jani ja libro mas chonubʼal ja bʼa luʼumi. Pe mini bʼa jun ekʼele kilunej june.» (YUMIKO, BʼA JAPÓN)

Bʼa yibʼanal ja luʼumkʼinali ay ixuk winik bʼa jel wa skisawe ja Biblia anima kechan tʼusan ma mini jas wa snaʼawe ja jasa wa xyala. Jani mas wan ekʼel sbʼaje jitsan ixuk winik ja bʼa Asia, pe jachni wa xcha ekʼ ja bʼa paisik bʼa jel pukxel ekʼ ja Biblia.

Bʼobʼta ja weʼn oja jobʼa bʼaj, «¿jas yuj oj kʼumuk ja Biblia?». Snajel jasa wa sjeʼa ja Biblia oj bʼobʼ skoltaya bʼa oja kʼuluk ja it:

  • Ajyel gusto ja bʼa sakʼanili

  • Stojbʼesel ja wokolik wa x-ekʼ ja bʼa pamilya

  • Jasa skʼulajel soka jitsan chamkʼujolili

  • Yajel tojbʼuk ja jastal waxa wilabʼaj soka tuki

  • Yajel makunuk lek ja takʼini

Jun sjejel, jun ixuk bʼa Japón sbʼiʼil Yoshiko skʼanani oj snaʼ jasa wa xyala ja Biblia, ja yuj spensaraʼan oj kʼe skʼumuk stuchʼil ja Biblia. ¿Jasa slekilal staʼa? Ja yeʼn yala: «Ja Biblia skoltunejon bʼa oj staʼ stojolil ja jsakʼanili sok yaʼunejki jun smajlajel ja bʼa tyempo jakumto. Wanxa ni xkabʼ stsamalil ja jsakʼanili». Ja Amit, taxita tiʼal bʼajtani, spensaraʼan oj spaklay ja jasa wa xyala ja Biblia. Ja yeʼn yala: «Ja jasa jkʼumani jel cham kabʼi. Ja jas yiʼoj ja Biblia wani xmakuni yuj yibʼanal ja ixuk winiki».

Ja Biblia skoltunej jitsan ixuk winik bʼa oj tojbʼuk ja sakʼanileʼi. ¿Jas mixa paklay ja Biblia? Jachuk oja wil jastal oj skoltaya ja weʼn.