Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani  |  Noviembre bʼa 2015

Sjobʼjelik sbʼaja Biblia

Sjobʼjelik sbʼaja Biblia

¿Oj maʼ sakʼwukejan ja matik chamelexa?

Merani lek, ja maʼ skʼulan ja jsakʼaniltiki ojni cha bʼobʼ ya kumxuk

Ja Jyoba Dyos yeʼnani wa xyaʼa «ja sakʼanili» (Salmo 36:9). Ja yuj, stojolil ja yeʼnani oj cha ya kumxukyi ja sakʼanil ja matik chameleʼi. Ja Biblia wa skʼapakitik jani jaw ja jasa oj skʼuluk ja Dyos ja bʼa tyempo jakumto. (Kʼuman ja Hechos 24:15.) ¿Pe jas yuj wa skʼana oj skʼuluk ja jaw?

Ja jKʼulumantiki tolabida skʼanunej ja ixuk winik aʼajyuk sakʼan bʼa tolabida (Génesis 1:31; 2:15-17). Soka jasa wa skʼanaʼi mini tukbʼeluk. Ja Dyosi jel yaj wa xyabʼ ja wa xyila ja tikʼe sakʼanil kiʼojtiki: mini tʼun albʼel wala ajyitik sakʼan sok bʼutʼel wokol. (Kʼuman ja Job 14:1, 14, 15.)

¿Bʼa oj ajyuk sakʼan ja matik oj sakʼwuki?

¿Skʼulan maʼ ja Dyos ja ixuk winik bʼa oj ajyuke sakʼan bʼa satkʼinal? Miyuk. Ja yeʼn skʼulan ja anjeliki bʼa oj ajyuke bʼa satkʼinal, pe jaxa keʼntiki, bʼa ti oj ajyukotik sakʼan bʼa Luʼum (Génesis 1:28; Job 38:4, 7). Ajuluka kʼujol sbʼaja sakʼwelalik skʼulan ja Jesukristo. Ja yeʼn ya sakʼwuk ja ixuk winiki sok tini ajyiye sakʼan bʼa Luʼum. Junxtani soka it, tʼusan mi spetsaniluk ja ixuk winik oj sakʼwukejan ja bʼa tyempo jakumto tini oj cha ajyuke sakʼan bʼa Luʼum. (Kʼuman ja Juan 5:28, 29 sok 11:44.)

Pe ja Dyosi stsaʼunej jun chʼin kʼole ixuk winik bʼa oj sakʼwuke sok ti oj wajuke bʼa satkʼinal, sok ja tiw oj ajyuk jun skwerpoʼe jastal ikʼ ason (Lucas 12:32, YD; 1 Corintios 15:49, 50, YD). Ja kʼole it oj yaʼekon mandar ja bʼa Luʼumi lajan soka Jesukristo. (Kʼuman ja Apocalipsis 5:9, 10.)