«Jani wa xwaj jkʼujol ajyi ja tajneli. Wa xkayi orasyon ajyi yujni wa xkʼana oj jtaʼ jun jportuna. Pe mini jtaʼa.» (Samuel, * bʼa Kenia)

«Ja bʼa eskwela kechantani tʼilan oj jnebʼtikon jujuntik resoʼik sok yajel jach kanel xa bʼa kolomtikon.» (Teresa, bʼa Filipinas)

«Wa xkʼulan orar yajni ay kiʼoj wokolik. Chomajkil bʼa skʼanjel perdon yuja jmuli sok bʼa ajyel jun lekil nebʼuman bʼa Kristo.» (Magdalene, bʼa Ghana)

Ja jastik yala ja Samuel, Teresa soka Magdalene wa sjeʼa ja ixuk winiki wa xyaweyi orasyon yuj tuktukil rasonik, jujuntik mas lek yuja tuki. Jujuntik orasyonik jaman lek wa xaweyi sok tuk jun junxta ja jas wa xyalawe, sok mini jas yajbʼal. Pe ja smeranili, chikan jas rasonik wa skʼulane orar (yajel ekʼuk jun examen, skʼanjel bʼa oj skʼuluk ganar jun equipo bʼa lek wa xyilawe, wajel yuj lek soka spamilya ma chikan jasunuk) jitsan miyon ixuk winik wa xyilawe stʼilanil jaʼ yajelyi orasyoni. Jujuntik sjobʼjel axi ilxi ja matik mey yiʼoje mini jun relijyoni wani xyaweyi orasyon.

¿Wan maʼ xa wayi orasyon ja weʼn? Ta jachuki, ¿jasunkiluk waxa kʼana ja bʼa wa worasyoni? Anima kʼajyela skʼulajel orasyon ma miyuk, bʼobʼta oja jobʼabʼaj: ¿Meran maʼ wa xmakuni? ¿Ayma maʼ wa smaklay? Jun tsʼijbʼanum yala sbʼaja orasyon kechanta bʼa oj ya ajyan laman sok gustoʼil, jach jastal ajyelawuj jun chante sok ochel loʼilsok. Jujuntik loktorik jachni wa xcha spensarane, wa xcholowe ja orasyon jach jastal «jun tikʼe aʼan». ¿Jas waxa pensaran ja weʼn? ¿Wan maʼ xyaweyi orasyon ja ixuk winik yuj kostumbre, ma jastal jitsan, bʼa ajyel laman sok gustoʼil?

Ja Biblia tukni ja jasa wa sjeʼa. Wa xyala ja orasyon mi kechanukta bʼa ajyel laman sok gustoʼil. Wa xyala ta wa xkʼulxi ja orasyon bʼa jun modo bʼa lek sok yajel makunuk lek, ayni maʼ wa smaklay ja orasyoni. ¿Meran maʼ ja it? La kiltik jujuntik prebaʼik.

^ par. 3 Jujuntik ja bʼiʼilali tukbʼesnubʼal.