Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani  |  Octubre bʼa 2015

Sjobʼjelik sbʼaja Biblia

Sjobʼjelik sbʼaja Biblia

¿Oj maʼ bʼobʼ chʼaysnajel ja pobreʼil ja bʼa luʼumkʼinali?

¿Jastal oj xchʼaysnajel ja Dyos ja pobreʼil ja bʼa luʼumkʼinali? (Mateo 6:9, 10)

Yuja jitsan jel pobreʼe juntiro, jitsan mil ixuk winik wa xchamye ja bʼa jabʼili yuja mey swaʼele sok yuja chameliki. Anima ay paisik bʼa ay stakʼine, pe ay jitsan ixuk winik jel pobreʼe. Ja Biblia wa xyala ja pobreʼili jun wokol bʼa tolabida ekʼeljan. (Kʼuman ja Juan 12:8.)

Bʼa oj chʼayuk ja pobreʼili wa skʼana jun gobyerno bʼa oj skʼeptalaʼukyi ja ixuk winik ja jastik ay ja bʼa luʼumi. Ja gobyerno it tʼilani oj xchʼay snajel ja kʼakʼaneli, pes ja it jani june ja bʼa jastik jun wa xyiʼajan ja pobreʼili. Sok jani ja gobyerno jaw wa skʼapa ja Dyosi. (Kʼuman Daniel 2:44.)

¿Machun oj bʼobʼ xchʼaysnajel ja pobreʼili?

Ja Dyosi stsaʼunej ja Yunini, ja Jesukristo, bʼa oj och mandaranum sbʼaja ixuk winiki (Salmo 2:4-8). Ja Jesús oj skoltay ja matik pobre sok oj xchʼaysnajel ja tʼenwaneli soka spekʼjel chikʼi. (Kʼuman ja Salmo 72:8, 12-14.)

Ja Jesús, ja «Ajwalal bʼa Lamanil», oj ya ajyuk slamanil bʼa spetsanil ja luʼumkʼinali sok mixa maʼ oj xiwuk. Anto, ja ixuk winiki oj yabʼye stsamalil ajyel jun snaje, jun tsamal yaʼtele sok jitsan waʼelal. (Kʼuman ja Isaías 9:6, 7; 65:21-23.)