Kaʼax ja bʼa sbʼaʼal

Kaʼax ja bʼa sbʼaʼali

Taʼumantiʼik bʼa Jyoba

Stsajel jun kʼumal tojol-abʼal

Sjobʼjelik sbʼaja Biblia

Sjobʼjelik sbʼaja Biblia

¿Ja ita maʼ it spetsanil ja jsakʼaniltiki?

¿Wan maʼ xa pensaran ja weʼn mixani tʼun albʼeluk wala ajyitik sakʼan?

¿Ay maʼ bʼa ajobʼuneja bʼaj ta wa xbʼobʼ jkʼuluktik mas jastik junuk ja bʼa jsakʼaniltiki sok mi kechanukta tajnel, aʼtel, nupanel, ajyel kuntikiltik sok awelaxel? (Job 14:1, 2.) Ja bʼa Biblia wa sjeʼakitik ja ixuk winike bʼa jel bibo cha yaʼunej sbʼaje ja sjobʼjel jaw. (Kʼuman ja Eclesiastés 2:11.)

Bʼa snajel ta ayto jas mas chaʼanyabʼalil ja bʼa jsakʼaniltiki, tʼilani oj jnatik jastal kʼejan. Tsaʼan yajni wa xpaklaxi sbʼaja jastal tojbʼel ja jchijnakʼtiki soka jkwerpotiki, jitsan ixuk winik kʼotel snaʼe skʼulunejotik jun maʼ jel bibo juntiro. (Kʼuman ja Salmo 139:14.) Ta jachuki, skʼulanotikni yuj jun jasunuk. Snajel jas yuj ayotik sakʼani masni jel oj kabʼtik stsamalil ja jsakʼaniltiki.

¿Jas yuj skʼulanotik ja Dyosi?

Yajni ja Dyosi skʼulan ja bʼajtan ixuk winiki, yayi jun tsamal cholal. Ja jasa wa skʼana jani a-sbʼutʼ-e ja Luʼum soka yintileʼi, ayawe paxuk jun tsamal kʼachinubʼ sok aʼajyuke sakʼan bʼa tolabida. (Kʼuman ja Génesis 1:28, 31.)

Yajni ja ixuk winiki skʼokowe ja yabʼal ja Dyosi, ja jasa wa skʼana ajyi mini ya ekʼuk lom sok mini chʼay skʼujol bʼa keʼntik. Ja Biblia wa xyala ja Dyosi kʼe aʼtijuk man tyempo jaw bʼa skoltajel ja yaʼtijumiki sok bʼa akʼulaxuk ja jasa wa skʼana ja bʼa Luʼumi. Ja Dyosi wa skʼana ja weʼn oja wabʼ stsamalil jawa sakʼanili jastalni wa skʼana ajyi ja bʼa keʼntiki. (Kʼuman ja Salmo 37:29.) Ja Biblia wa xyala jasa tʼilan oj jkʼuluktiki bʼa yijel jun jsakʼaniltik jastalni wa skʼana ja Dyosi.