Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani  |  2017, núm. 4

Tʼusan mi spetsanil ja relijyon wa xyala aytobʼi jas wa xkan sakʼan ja wala chamtiki.

 YOLOMAJEL JA BʼA SPATIKI | JA SJAKʼJEL WA XYAʼA JA BIBLIA

Jun sjobʼjel wa xyaʼ jpensaraʼuktik

Jun sjobʼjel wa xyaʼ jpensaraʼuktik

TUKTUKIL wa xpensaraxi sbʼaja jas wa x-ekʼ ja wala chamtiki. Jujuntik wa spensarane jabʼi wala chamtiki, ti wala wajtik bʼa jun pilan lugar. Tuk wa skʼuʼane wanbʼi la pojkitik yajkʼachil ekʼele. Sok tuk wa spensarane ja wala chamtiki tini tiw wa xchʼak yibʼanal.

Bʼobʼta ja weʼn junxta ma tuk ja jastal waxa pensaraʼan soka jastal kʼiʼelajan soka bʼa lugar pojkelaʼi. Pe yuja ay tuktukil skʼuʼajel sbʼaja it, ¿oj maʼ bʼobʼ jnatik jasa meran wa x-ekʼ ja wala chamtiki?

Ayxa jitsan tyempo, ja olomalik bʼa relijyoniki sjeʼuneje ja skʼuʼajel bʼa ayni jas wa xkan sakʼan ja wala chamtiki. Tʼusan mi spetsanil ja relijyonik, jastal ja matik wa xyalawe snochumane Kristo, ja hinduismo, ja judaísmo soka islam, wa xyalawe aytoni jas wa xkan sakʼan ja wala chamtiki sok tibʼi wala ajyitik sakʼan ja bʼa lugar wa xtaxye ja chamwiniki. Pe ja budistaʼiki wa skʼuʼane, jabʼi ja yajni june pojkita jitsan ekʼele, ja ixuk winik jaw tixa wa xkan libre bʼa yijel wokol sok wa xkʼot staʼ ja meran gustoʼil bʼa wa sbʼiʼilan nirvana.

Spetsanil ja sjejelik it wa xya skʼuʼuk ja ixuk winik ti wala wajtik bʼa jun pilan lugar ja yajni wala chamtiki. Ja yuj bʼa jitsan ixuk winik, ja chamelali jel tʼilan oj ekʼ jbʼajtik ja bʼa jsakʼaniltiki sok jani ja jas wa skʼana ja Dyosi. Pe ¿jas wa xyala ja Biblia? Wa xlokowatikon bʼa oja kʼumuk ja artikulo jakumi. Bʼobʼta chamni oja wil ja jas wa xyala.