Kaʼax ja bʼa sbʼaʼal

Kaʼax ja bʼa sbʼaʼali

Taʼumantiʼik bʼa Jyoba

Stsajel jun kʼumal tojol-abʼal

Stsʼakatal ja sGobyerno ja Dyos, spetsanil ja ixuk winik «jel oj yabʼye stsamalil ajyel laman» (Salmo 37:11).

¿Jasa wa xyala ja Biblia?

¿Jasa wa xyala ja Biblia?

¿Wan maʼ xkoltani ja Biblia bʼa oj kuchkujtik ja chamkʼujoliki?

¿Jas waxa pensaraʼan?

  • Ojo

  • Miyuk

  • Bʼobʼta

Ja jas wa xyala ja Biblia

«Spetzanil ja cham akʼujolexi a‘awik yi‘ ja bʼa dyosi. ye‘n oj stalnayex» (1 Pedro 5:7, Ja yajkʼachil sju‘unil ja dyosi). Ja Biblia wa xyala ja Dyosi ojni skoltayotik soka jas wa xcham jkʼujoltiki.

¿Jasa mas wa xyala ja Biblia?

  • Stsʼakatal ja orasyoni, ja Dyos oj yakitik ja ‹lamanil›, bʼa oj ya elkotik libre yuja chamkʼujoli (Filipenses 4:6, 7).

  • Chomajkil, ja Yabʼal ja Dyosi oj skoltayotik bʼa oj kuchkujtik ja jitsan chamkʼujolili (Mateo 11:28-30).

¿Oj maʼ kʼotuk jun kʼakʼu mixa oj ajyuk chamkʼujolil?

Ja jas wa skʼuʼane jujuntik: Jujuntik wa skʼuʼane ja chamkʼujoli tini chʼikan ja bʼa jsakʼaniltiki. Jaxa tuki wa spensarane mixabʼi oj ajyuk ja bʼa pilan sakʼanili. ¿Jas waxa pensaran ja weʼn?

Ja jas wa xyala ja Biblia

Ja Dyos oj xchʼaysnajel ja chamkʼujolili. «Mi xa ni oj to ocʼuque otro vuelta. Mi xa oj to tristeaxuque. Mi xa ni oj couc mas ja xchamelei. Mi oj ajyuc ja syajal ja scuerpoei. Mi ni maʼ oj chamuca» (Apocalipsis 21:4).

¿Jasa mas wa xyala ja Biblia?

  • Yajni ja sGobyerno ja Dyos xyaʼa mandar ja bʼa Luʼumi, oj ajyukotik sakʼan laman sok mixa jas oj xiwkotikyuj (Isaías 32:18).

  • Ja chamkʼujolili oj chʼakuk (Isaías 65:17).