Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani  |  2016, núm. 4

 YOLOMAJEL JA BʼA SPATIKI | ¿JASTAL TALNAJI JA BIBLIA?

Jas yuj jel talnaji ja Biblia

Jas yuj jel talnaji ja Biblia

Stsʼakatal yuja jel talnaji ja Biblia, ja wego oj bʼobʼ ajyukawuj june sok oj bʼobʼa kʼumuk. Soka yajni xa tsaʼa jun Biblia bʼa lek sutubʼal, ojni bʼobʼa jipa kʼujol bʼa wanani skʼumajel jun kopya bʼa stojolil ay lek jastalni ja bʼa mero juʼun tsʼijbʼaxi. * Pe ¿jas yuj talnaji lek ja Biblia ama jom ja spowili, ja iji spatiki soka jastal leji modo bʼa stukbʼesel ja rason yiʼoji? ¿Jasa wa xyayi chaʼanyabʼalil ja libro it?

«Ja wego jkʼuʼunej lek ja Biblia tey bʼa jkʼabʼi juni majtanal bʼa Dyos»

Jitsan nebʼumanik bʼa Biblia jachni spensaraʼuneje jastal ja jekabʼanum Pablo, bʼa stsʼijbʼan: «Spetzanil ja yabal ja Diosi, Dios ni ya jac scʼujol ja maʼ stzʼijba cani» (2 Timoteo 3:16). Ja yeʼnle wa skʼuʼane ja Biblia talnaji yujni jaʼa ja Yabʼal ja Dyosi sok yeʼnani stalnunej bʼa oj ajyukujtik man jtyempotik. Ja Faizal, ja maʼ kalatik ja bʼa sbʼajtanil artikulo, spensaraʼan mas lek yajel eluk ja sduda spaklajel ja Biblia. Jelni cham yila ja jas snebʼa. Mini ekʼ tyempo bʼa yajel sbʼaj kwenta sbʼaja jitsan skʼuʼajelik bʼa wa sjeʼa ja relijyon mi meranuki mini teyuk bʼa Biblia. Chomajkil, jelni nikjiyuj snajel soka jas wa skʼana oj skʼuluk ja Dyos sbʼaja Luʼumi, jastalni wa xyala ja bʼa Yabʼali.

Ja Faizal wa xyala: «Ja wego jkʼuʼunej lek ja Biblia tey bʼa jkʼabʼi juni majtanal bʼa Dyos. Pes ta ja Dyos bʼobʼ skʼuluk ja sutsatkʼinali, ¿mi maʼ ayni yiʼoj ja ipal bʼa yajelkitik ja Yabʼali sok stalnajel? Yaljel miyuk jani wantik skomjel ja yip ja Dyosi, ja yip ja maʼ kechan jel niwani. Sok ¿bʼa elyonjan ja keʼn skomjel ja yip ja Dyosi?» (Isaías 40:8).

^ par. 3 Kʼela ja artikulo «Cómo escoger una buena traducción de la Biblia», elel ja bʼa 1 bʼa mayo bʼa 2008 smojol ja rebista it.