Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani  |  2016, núm. 3

Ja sbʼiʼil ja Dyos (ja bʼa wa xchiknajiʼi) bʼa jun juʼun tsʼijbʼaxi bʼa tyempo najate.

¿Jasa wa xyala ja Biblia?

¿Jasa wa xyala ja Biblia?

¿Ay maʼ sbʼiʼil ja Dyosi?

JUJUNTIK WA XYALAWE mibʼi ay sbʼiʼil, tuk wa xyalawe Ajwalal ma Dyos sok ay tuk wa skʼuʼane ayiʼoj jitsan sbʼiʼil. ¿Jas waxa pensaran ja weʼn?

JA JAS WA XYALA JA BIBLIA

«Ja weʼn, wa bʼiʼil Jyoba, kechan weʼn ja mas niwana bʼa spetsanil ja luʼumkʼinali» (Salmo 83:18).

¿JASA MAS WA XYALA JA BIBLIA?

  • Anima wa xnaji sbʼaj jastal Ajwalal ma Dyos, ja Dyos yeʼn mero stsaʼunej ja sbʼiʼili (Éxodo 3:15).

  • Mi jun Dyosuk mi xbʼobʼ naxuk sbʼaj, ja yeʼn wa skʼana oj jnatik sbʼaj (Hechos 17:27).

  • Bʼa oj kʼot kamigoʼuktik ja Dyosi, jelni tʼilan oj jnatik bʼajtan ja sbʼiʼili (Santiago 4:8).

¿Ay maʼ smaloʼil yaljel ja sbʼiʼil ja Dyosi?

¿JAS OJA WAL JA WEʼN?

  • Ay

  • Miyuk

  • Mi bʼa spetsaniluk

JA JAS WA XYALA JA BIBLIA

«Ja weʼn mokni wa makunuk ja sbʼiʼil ja Jyoba wa Dyosi bʼa jun modo kistal» (Éxodo 20:7). Mini lekuk ta wantik yajel makunuk bʼa mi sbʼejuk ja sbʼiʼili (Jeremías 29:9).

¿JASA MAS WA XYALA JA BIBLIA?

  • Ja Jesús wani snaʼa ja sbʼiʼil ja Dyos sok ya makunuk (Juan 17:25, 26).

  • Ja Dyos wa slokowotik bʼa la kaltik ja sbʼiʼil ja yajni wa xkʼumantiki (Salmo 105:1).

  • Ja skontraʼik ja Dyos wa sleʼawe modo bʼa jachuk ja ixuk winik oj xchʼay skʼujole ja sbʼiʼili (Jeremías 23:27).