Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani  |  2017, núm. 5

 YOLOMAJEL JA BʼA SPATIKI | ¿MERAN MAʼ AY JA ANJELIK?

¿Ay maʼ jun kanjeltik wa stalnayotik?

¿Ay maʼ jun kanjeltik wa stalnayotik?

Ja Biblia mi xyala ay jun kanjeltik bʼa wa stalnayotik ma wa skʼelawotik. Meran ja Jesús yala: «Moc lomuc ahuilex menos ja yal chʼin jumasa iti, [ja snebʼumanik ja Jesús] porque ja yenlei, huane qʼueljel yuj ja ángel jumasa. Jaxa ángel jumasa jahui, ti ni ay ba satqʼuinala, y ti ni aye ja ba sti sat ja jTati» (Mateo 18:10). Ja iti mi wa stojolan, ayni jun yanjele ja ixuk winiki; ja jas kʼan yal ja Jesús, ja anjeliki wani xchamskʼujole ja yaʼtijumik Dyosi. Ja yuj, ja meran yaʼtijumik Dyosi mi gana mi stalna sbʼaje spensarajel oj koltajukeyuj ja anjeliki bʼa mi jas oj ekʼ sbʼaje.

¿Wan maʼ xkʼan yal ja jaw ja anjeliki mi xkoltaniye? Miyuk (Salmo 91:11). Jujuntik ixuk winik skʼuʼuneje lek ja Dyosi wani xtalnajiye sok wa xkoltajiye yuja anjelik, jastal ja sjejel bʼa Kenneth, alxi ja bʼa bʼajtan artikulo. Anima mi xnaʼatik lek ta jach ekʼi, pe bʼobʼta ja yeʼn ayni yiʼoj rason. Bʼa jitsan ekʼele, ja taʼumantiʼik bʼa Jyoba yiluneje ja skoltanel ja anjelik ja bʼa xcholjeli. Pe yuja mini xbʼobʼ kiltike, mini xnaʼatik janekʼto wa xya makunuk ja Dyos bʼa skoltajel ja ixuk winiki. Pe mini ay smaloʼil yajelyi tsʼakatal ja maʼ jel Niwani yuj chikan jas tikʼe koltanel wa xkʼuʼantik yaʼunejkitik (Colosenses 3:15; Santiago 1:17, 18).