Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja Juʼun Cholumani (bʼa spaklajel)  |  Enero bʼa 2017

¿Wan maʼ xa naʼa ajyi?

¿Wan maʼ xa naʼa ajyi?

Ja bʼa tyempo najate, ¿jastal wa stsanawe ja kʼakʼi yajni wajume bʼa jun bʼejyel?

JA BʼA Génesis, ja Biblia wa xyala ja Dyosi sjeka ja Abrahán bʼa jun najat bʼejyel bʼa oj waj yaʼ jun majtanal. Wa xyala: «Anto ja Abrahán yiʼaj ja siʼ sbʼaja majtanal tsikubʼali sok ya skuch ja Isaac. Tixa yiʼaj bʼa skʼabʼ ja kʼakʼi soka kuchiyo, sok xchawanile wajye lajan» (Génesis 22:6).

Ja Biblia mi wa xyala jastal wa stsanawe ja kʼakʼ ja bʼa najate. Anto, ¿stsanawe maʼ jun kʼakʼ ja Abrahán soka Isaac, sok yiʼaje och ja yajni wajumeʼi? June maʼ jel chapan sbʼaja loʼilik bʼa Biblia yala bʼobʼta ojni tupuk ja kʼakʼ ja yajni wajume och bʼa najtil bʼeji. Ja yeʼn wa xyala bʼobʼta ja Abrahán soka skeremi yiʼaje och ja jastik wa xmakuni bʼa oj stsan-e ja kʼakʼi.

Pe ja tuk matik jel chapani wa xyalawe ja bʼa tyempo jaw jelni wokol stsanjel ja kʼakʼi. Ja yuj ja yajni wa xbʼobʼi, ja ixuk winiki wa xya makunuk ja chakal kʼakʼ bʼa ajlita bʼa oj stsan ja kʼakʼi. Bʼobʼta ja wa xyawe makunuk ja xchakal kʼakʼ ja sbesinoʼe. Jitsan ja matik jel chapani wa xyalawe ja Abrahán sleʼa ja chakal kʼakʼi bʼajtanto oj stulyi ja sbʼejyeli. Wa xyalawe lajansok wa xyiʼaje och ja chakal kʼakʼi bʼa jun yeʼtal jastaltik oxom bʼa ay yakʼil sok kadena (Isaías 30:14). Ja yuj, bʼobʼta ja Abrahán ya makunuk chakal kʼakʼ sok yal chʼin siʼik bʼa stsanjel ja kʼakʼi ja ekʼeleʼik makuniyuji.