¿Oj maʼ awal jaʼa...

  • ... Dyosi?

  • ... ixuk winik?

  • ... ma pilan?

 JA JAS WA XYALA JA BIBLIA

«Ja maʼ tey ba mundo, ti aye juntiro ja ba scʼab ja diabloi.» (1 Juan 5:19, Ja yajcʼachil testamento.)

«Pero jayuj jac ja yunin ja Dios tac. Jac ba oj xchʼay snaajel ja yatel ja tan diablo.» (1 Juan 3:8.)

JA SLEKILAL BʼA WEʼNA

Yabʼjel stojolil jas yuj ay ja wokolik ja bʼa luʼumkʼinali (Apocalipsis 12:12).

Ayni rasonik bʼa smajlajel oj tojbʼuk ja luʼumkʼinali (1 Juan 2:17).

 ¿WAN MAʼ XBʼOBʼ JKʼUʼUKTIK MERAN LEK JA JAS WA XYALA JA BIBLIA?

Waniʼa, la kiltik kechanta oxe rasonik:

  • Ja yajwalil ja luʼumkʼinali bʼisubʼal xta kʼakʼu ay. Ja Jyoba ojni sjapyi ja yip ja Satanás sbʼaja ixuk winiki. Ja Yeʼn skʼapunej oj «yaa can ibelajel ja diablo» sok stojbʼesel yibʼanal ja jastik sjomuneji (Hebreos 2:14).

  • Ja Jesús yeʼnani tsaʼubʼal yuja Dyos bʼa oj ya mandar. Ja Jesús mini oj slaj jastal ja smodo ja yajwalil ja luʼumkʼinal it, ja Satanás, jastal ixta wa x-ilwani sok bʼa kechanta wa xcham skʼujol bʼa yeʼna. Ja Dyosi wa xyala sbʼaja smandaranel ja Jesusi, «ojni snaʼ syajulal ja matik jel ajula sbʼaji soka matik mi jas yiʼoji, sok ojni skoltay ja matik wane yijel yuja jastik mi lekuk wan ekʼeli» (Salmo 72:13, 14, Traducción del Nuevo Mundo).

  • Ja Dyosi mini sleʼa abʼal. Ja Biblia jaman lek wa xyala: «Ja Diosi mix bob slee mentira» (Hebreos 6:18). Ja yuj, yajni ja Dyos ay jas wa skʼapa oj skʼuluk, ¡jachni wa skʼulana! (Isaías 55:10, 11). Soka jas skʼapuneji jani «oj jipjuk ele ja yajwalil ja lu‘umkʼinali» (Ja jwani [Juan] 12:31, Ja yajkʼachil sju‘unil ja dyosi).

 JOBʼO ABʼAJ

¿Jastal maʼ oj ajyuk ja luʼumkʼinali yajni Satanás mixa yeʼnuk ja yajwalili?

Oj ataʼ ja sjakʼjel bʼa Biblia bʼa SALMO 37:10, 11 sok APOCALIPSIS 21:3, 4.