Kaʼax ja bʼa sbʼaʼal

Kaʼax ja bʼa xchabʼil menú

Taʼumantiʼik bʼa Jyoba

tojol-abʼal

¿Jas maʼ wa skʼana bʼa oj ajyuk sakʼan gusto ja pamilya?

¿Jas maʼ wa skʼana bʼa oj ajyuk sakʼan gusto ja pamilya?

¿Wana maʼ skʼana oj ajyuk...

  • ... yajtanel?

  • ... takʼin?

  • ... ma pilan jasunuk?

 JA JAS WA XYALA JA BIBLIA

«Eso sí, pero mas to jel lec huax yila ja maʼ huax yab ja yabal ja Diosi soc ja maʼ huas scʼuani.» (Lucas 11:28, Ja yajcʼachil testamento.)

JA SLEKILAL BʼA WEʼNA

Oj ajyuk meran yajtanel (Efesios 5:28, 29).

Meran kiswanel (Efesios 5:33).

Sok bʼa mok spil sbʼaj ja pamilya (Marcos 10:6-9).

 ¿WAN MAʼ XBʼOBʼ JKʼUʼUKTIK MERAN LEK JA JAS WA XYALA JA BIBLIA?

Waniʼa, la kiltik kechanta chabʼ rasonik:

  • Ja Dyosi yeʼn ya kujlajuk ja pamilya. Ja Biblia wa xyala ja Jyoba yeʼn ya nupanuk ja bʼajtan winiki soka bʼajtan ixuki (Génesis 2:18-24). Wa xbʼobʼ kaltik ja pamilyaʼiki ayniʼa yujni yeʼn ya kujlajuk ja Jyoba. ¿Jas yuj jel stʼilanil snajel ja it?

    Pensaraʼan sbʼaja it: Lek bʼi wana yabʼjel jun waʼelal jel x-ajbʼani sok waxa kʼana oj anaʼ jastik yajnal akʼubʼal ochuk, ¿mi maʼ meranuk jani oj ajobʼyi ja maʼ xchapaʼi?

    Jachni wa xcha bʼobʼ alxuk sbʼaja pamilya, bʼa oj anaʼ jastal oj ajyuk sakʼan gusto jawa pamilya, pes jani oj ajobʼyi ja maʼ ya kujlajuki, ja Jyoba.

  • Ja Dyosi wa xcham skʼujol jmoktik. Ja weʼn soka wa pamilya masni lek ta jaʼa leʼawex ja srasonik ja Jyoba wa xtax bʼa Biblia. Pes ja yeʼn «huan nix yaahuex sata» (1 Pedro 5:6, 7). Ja Jyoba wani skʼana ja jlekilaltiki, soka srasoniki tolabida wa xmakuni (Proverbios 3:5, 6; Isaías 48:17, 18).

 JOBʼO ABʼAJ

¿Jastal oj bʼobʼ kʼotkon jun lekil tatamal, cheʼumal ma tatal?

Oj ataʼ ja sjakʼjel bʼa Biblia bʼa EFESIOS 5:1, 2 sok COLOSENSES 3:18-21.