Kaʼax ja bʼa sbʼaʼal

Taʼumantiʼik bʼa Jyoba

Stsajel jun kʼumal tojol-abʼal

¿Jas maʼ waxa majlay oj ekʼuk ja bʼa tyempo jakumto?

¿Jas maʼ waxa majlay oj ekʼuk ja bʼa tyempo jakumto?

¿Oj maʼ awal ja luʼumkʼinali...

  • ... junxta oj ajyuk?

  • ... oj ipaxuk-ele?

  • ... ma oj tojbʼuk?

 JA JAS WA XYALA JA BIBLIA

«Ja dyosi oj skuse ja ya‘alel sate‘i ja ye‘nle‘i. mixa ti oj ajyuka ja chamelali cho mini ja chamkʼujolili cho mini ja okʼeli cho mini ja syajali. yuj ja chʼakta ekʼuki spetzanil ja jastik junuk iti yuj ja pokoxa.» (Ja swayichi [Apocalipsis] 21:4, Ja yajkʼachil sju‘unil ja dyosi.)

JA SLEKILAL BʼA WEʼNA

Oj ajyuk lekil aʼtel sok yajel eluk slekilal (Isaías 65:21-23).

Mixa oj ajyuk chamel sok mini jun tikʼe wokol (Isaías 25:8; 33:24).

Oj ajyukotik gusto sakʼan soka jpamilyatik soka kamigotik bʼa tolabida (Salmo 37:11, 29).

 ¿WAN MAʼ XBʼOBʼ JKʼUʼUKTIK MERAN LEK JA JAS WA XYALA JA BIBLIA?

Waniʼa, la kiltik kechanta chabʼ rasonik:

  • Ja Dyosi ayni yipa bʼa oj skʼuluk ja jas skʼapuneji. Ja Biblia wa xyala: «Ja hueni mi jas mix bob ahuuj», wa xkʼan yale ja Jyoba jel juntiro yipi, pes yujni mey stikʼanil ja yip yiʼoji (Apocalipsis 15:3, Ja yajcʼachil testamento). Ja yeʼni ojni bʼobʼyuj skʼulajel ja jas skʼapuneji bʼa oj ya tojbʼuk ja luʼumkʼinali. Jastalni wa xyala ja Biblia, ja Dyosi «oj ni bob yuj spetzanila» (Mateo 19:26).

  • Ja Dyosi wa skʼana oj ya kʼotuk ja jas skʼapuneji. Jun sjeʼjel, ja Jyoba xkʼankʼuniyuj yajel sakʼwujan ja ixuk winik matik chamelexa (Job 14:14, 15).

    Chomajkil ja Biblia wa sjeʼa ja yunin ja Dyosi, ja Jesús, ya tojbʼuk ja matik maloʼayi. ¿Jas maʼ yuj ja skʼulani? Yujni jaʼa jaw ja wa skʼana skʼulajeli (Marcos 1:40, 41). Ja Jesús sjeʼani ja jastal mero ja smodo ja sTati bʼa xkʼankʼuniyuj skoltajel ja matik wa xyiʼaje wokoli (Juan 5:19).

    Wani xbʼobʼ jkʼuʼuktik lek ja Jyoba soka Jesús wani skʼanawe oj skoltayotik bʼa oj kabʼtik stsamalil ja jsakʼaniltik ja bʼa tyempo jakumto (Salmo 72:12-14; 145:16; 2 Pedro 3:9).

 JOBʼO ABʼAJ

¿Jastal oj ya tojbʼuk ja Dyos ja jluʼumkʼinaltiki?

Oj ataʼ ja sjakʼjel bʼa Biblia bʼa MATEO 6:9, 10 sok DANIEL 2:44.