Kaʼax ja bʼa sbʼaʼal

Taʼumantiʼik bʼa Jyoba

Stsajel jun kʼumal tojol-abʼal

¿Jasunkiluk ja Gobyerno bʼa Dyosi?

¿Jasunkiluk ja Gobyerno bʼa Dyosi?

¿Oj maʼ awal...

  • ... jun lugar bʼa wa xwajye ja chamwiniki?

  • ... jun mandaranum bʼa satkʼinal?

  • ... ma mi xnaxi?

 JA JAS WA XYALA JA BIBLIA

«Ja Dyos bʼa satkʼinali oj ya kujlajuk jun gobyerno bʼa mini oj ajuk chʼayuk snajel.» (Daniel 2:44, Traducción del Nuevo Mundo.)

«Jaxa yeni jel nihuan oj huajuc. Oj ni aljuc que jaʼ ni yunin ja Dios ja maʼ jel nihuani, jaxa Cajualtic Diosi oj [ya] yi ba oj scʼul mandar ja jastal scʼulan mandar ja rey Davidi.» (Lucas 1:32, 33, Ja yajcʼachil testamento.)

JA SLEKILAL BʼA WEʼNA

  • Jun gobyerno toj bʼa oj skoltayotik jujune ja keʼntiki (Isaías 48:17, 18).

  • Ja bʼa yajkʼachil luʼumi, ja gobyerno it oj skʼuluk bʼa oj ajyuk jun jsakʼaniltik bʼa gusto lek sok bʼa mixa oj kokotik chamel (Apocalipsis 21:3, 4).

 ¿WAN MAʼ XBʼOBʼ JKʼUʼUKTIK MERAN LEK JA JAS WA XYALA JA BIBLIA?

Waniʼa, la kiltik kechanta chabʼ rasonik:

  • Ja Jesús sjeʼa ja jastik oj skʼuluk ja sGobyerno ja Dyosi. Ja yeʼn sjeʼa yi ja snochumaniki a-skʼan-e bʼa yorasyone ajakuk ja sGobyerno ja Dyos, sok akʼulaxuk ja jas wa skʼana ja yeʼn ja bʼa Luʼumi (Mateo 6:9, 10). Chomajkil, sjeʼa jastal oj kʼot meran ja orasyon it.

    Yajni ajyi ja bʼa Luʼumi, ja Jesús ya waʼuk jitsan matik jel waʼin xyabʼye, yajnay ja matik maloʼayi sok ya sakʼwuk ja matik chamelexa (Mateo 15:29-38; Juan 11:38-44). Yuja yeʼnani mandaranum tsaʼubʼal yuja Dyos ja bʼa sGobyernoʼi, sjeʼanikan ja jastik jel tsamal oj skʼuluk sbʼaja yaʼtijumik yajni xyaʼa mandar (Apocalipsis 11:15).

  • Ja jastik wan ekʼel bʼa yibʼanal ja luʼumi wa sjeʼa ja sGobyerno ja Dyos ojxta jakuk. Ja Jesús yalakan bʼajtan ja jas oj ekʼuk yajni xjak ja sGobyerno ja Dyos bʼa oj ya lamanil ja bʼa Luʼumi, jelni oj ajyuk kʼakʼanel, waʼin sok templorik (Mateo 24:3, 7).

    Ja bʼa jtyempotiki, wantik yiljel ja wokolik it wan ekʼeli. Ja yuj, wa xnaʼatik lek ja sGobyerno ja Dyos ojxta stojbʼes.

 JOBʼO ABʼAJ

¿Jastal oj ajyuk ja jsakʼaniltik ja yajni xyaʼawotik mandar ja sGobyerno ja Dyosi?

Oj ataʼ ja sjakʼjel bʼa Biblia bʼa SALMO 37:29 sok ISAÍAS 65:21-23.