Kaʼax ja bʼa sbʼaʼal

Kaʼax ja bʼa xchabʼil menú

Taʼumantiʼik bʼa Jyoba

tojol-abʼal

¿Jasun kʼotel bʼa weʼna ja Biblia?

¿Jasun kʼotel bʼa weʼna ja Biblia?

¿Oj maʼ awal...

  • ... jun juʼun bʼa spensar winike?

  • ... jun juʼun bʼa loʼilik mi meranuk?

  • ... ma jaʼa Yabʼal ja Dyosi?

 JA JAS WA XYALA JA BIBLIA

«Spetzanil ja yabal ja Diosi, Dios ni ya jac scʼujol ja maʼ stzʼijba cani.» (2 Timoteo 3:16, Ja yajcʼachil testamento.)

JA SLEKILAL BʼA WEʼNA

Meran sjakʼjelik sbʼaja chaʼanik sjobʼjelik ja bʼa jsakʼaniltiki (Proverbios 2:1-5).

Rasonik bʼa wa stojo ja jsakʼaniltiki (Salmo 119:105).

Meran smajlajel ja bʼa tyempo jakumto (Romanos 15:4).

 ¿WAN MAʼ XBʼOBʼ JKʼUʼUKTIK MERAN LEK JA JAS WA XYALA JA BIBLIA?

Waniʼa, la kiltik kechanta oxe rasonik:

  • Tsamalxta wa slaja sbʼaj. Ja Biblia yiʼaj stsʼijbʼajel junuk 1,600 jabʼil yuj junuk 40 winike. Jitsan ja bʼa yeʼnleʼi mini snaʼa sbʼajeʼa. Anima jachukuk, ¡yibʼanal ja Biblia june ita ja yolomajel yiʼoji!

  • Ja tsʼijbʼanumiki yalawe ja smeranili. Ja juʼunik wa stsʼijbʼane ja ixuk winiki mi xyalawe ja jas mi lekuk wa skʼulan ja xchonabʼeʼi. Pe ja tsʼijbʼanumik bʼa Biblia jaman lek yawe ochkan juʼun ja smuleʼi soka bʼa xchonabʼeʼi (2 Crónicas 36:15, 16; Salmo 51:1-4).

  • Ja jas wa xyala jachʼni wa x-elkʼota. Ayxa mas ja 700 jabʼili, ja Biblia yalaxakan bʼajtan bʼa oj pojkuk ja maʼ kʼapubʼal oj jakuki, ja Mesiasi, ti bʼa jun yal chʼin chonabʼ sbʼiʼil Belén bʼa slujmalil Judá (Miqueas 5:2). ¿Sok bʼa maʼ mero pojki ja Jesusi? ¡Pes tini mero ja bʼa yal chonabʼ jaw! (Mateo 2:1-6.)

    Jitsan jastik jun yalunejkan ja Biblia jachʼni mero chʼak ekʼuka. ¿Mi maʼ jachukni wa xmajlaytik sbʼaja Yabʼal ja Dyosi? (2 Pedro 1:21.)

 JOBʼO ABʼAJ

¿Jastal maʼ oj bʼobʼ skoltayon ja Yabʼal ja Dyosi?

Oj ataʼ ja sjakʼjel bʼa Biblia bʼa ISAÍAS 48:17, 18 sok 2 TIMOTEO 3:16, 17.