Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Sjejelik wa xbʼobʼa nebʼ ja bʼa Biblia

Karta bʼa Tsome Tojwanum

Karta bʼa Tsome Tojwanum

Kala jmoj-aljelik:

Jastal yaʼtijumotik ja Jyoba wani xyajtaytik ja Yabʼali, ja Biblia. Jkʼuʼunejtik lek ja bʼa libro jaw wa xtaʼatik loʼilik bʼa stojolil ay lek, tojil rasonik ja bʼa jsakʼaniltik sok prebaʼik bʼa wa xnikwani ja bʼa syajal skʼujol yiʼoj ja Jyoba sbʼaja pamilya bʼa luʼumi (Salmo 119:105; Lucas 1:3; 1 Juan 4:19). Ja jas meran wa xkʼanatikon jani skoltajel ja tuk bʼa a-snebʼe ja tsamalik smeranil yiʼojan ja Yabʼal ja Dyos. Ja yujil, jel xyakitikon gusto yajel awilex ja libro it: Sjejelik wa xbʼobʼa nebʼ ja bʼa Biblia. Wa xkʼana oj jcholtikon awabʼyex tʼusan sbʼaja juʼun it.

Ja yajni chapxi ja libro it, pensaraxi sbʼaja yal untiki. Pe cha wani xbʼobʼ axuk makunuk bʼa skoltajel ja matik ayxa skʼujol bʼa snebʼjel mas sbʼaja Biblia. Yuja Biblia kʼotel jun libro bʼa kibʼanaltik, ja yuj ojni katik el slekilal ja yajni xpaklaytik ja sjejelik yiʼojani, bʼa oj skoltayotik ajyel meran gusto.

Yuja ti elel bʼa Biblia ja loʼilik makuneli, ja libro it wa xcholo loʼilik masan bʼa skʼeʼulabʼil ja pamilya bʼa luʼumi. Jel kʼujolaxi yajelkan ja loʼiliki bʼa jun modo pasil sok chikan, sok ja janekʼ bʼobʼi, kanel xchojlal ja jastal chʼak ekʼuki.

Pe ja libro it mi kechanta wa xcholo loʼilik bʼa Biblia. Ja sbʼaʼali soka dibujoʼiki chapubʼal bʼa jachuk aya sakʼwuk ja loʼilik bʼa Biblia sok aʼabʼxuk ja jastal yabʼye ja ixuk winik.

Ja juʼun it wa xya kiltik ja Biblia kʼotel jun libro bʼa wa staʼa tiʼal bʼa ixuk winike: bʼa ajyiye kʼuʼabʼal soka Jyoba sok ja matik mi kʼuʼabʼal ajyiye. Cha wa skoltayotik bʼa snebʼjel ja sjejelik yaʼawekani (Romanos 15:4; 1 Corintios 10:6). Ja libro it pilubʼal bʼa 14 xetʼanik.  Ja bʼa skʼeʼulabʼil ja xetʼanik wa xcholo tʼusan bʼa jasa oj nebʼxuk ja bʼa jujuntik sjejelik.

Ta aya wuntikil, ojni bʼobʼa kʼumuk jun kapitulo soka yeʼnle, sok cholowik lajan ja dibujoʼik. Tsaʼan, oj bʼobʼa kʼumukex ja teksto bʼa Biblia ja bʼa elel ja kapitulo wana spaklajeli. Koltay jawa wuntikil bʼa ayil jastal wa syaka sbʼaj ja bʼa jas wa xyala ja Biblia soka bʼa kapitulo bʼa libro. Cha oj bʼobʼ wa makunuk jachuk bʼa skoltajel june maʼ ayxa skʼujol bʼa oj jamxuk mas ja spensar sbʼaja rason yiʼoj ja Biblia.

Wa xkʼanatikon ja juʼun it akoltajuk ja ixuk winik matik jaman skʼujole, ama keremtik akʼixuk ma matik ayxa skʼujole, bʼa a-snebʼe ja Yabʼal ja Dyos sok ayawe makunuk ja sjejelik ja bʼa sakʼanile. Jachuk ja yeʼnle oj bʼobʼ yaʼteltaye ja Jyoba sok ochel ja bʼa spamilya.

Jawa moj-aljelex,

Tsome Tojwanum bʼa Taʼumantiʼik bʼa Jyoba