Ja Jyoba yayi slekilal ja Salomón yajelyi jitsan sbiboʼil soka niwan cholal bʼa yajel kʼeʼuk ja templo. Pe takal takal sjipakan ja Jyoba. Ta aya wuntikil, choloyabʼ ja matik yaʼteltaye kʼulubʼal dyosik yawe jitsuk ja Salomón bʼa yaʼteltajel ja Jyoba. Ja mandaranel spila sbʼaj, sok ajyi mandaranumik mi lekuke bʼa yiʼaje ja chonabʼ bʼa skontraʼajel ja Dyosi sok yaʼteltaye kʼulubʼal dyosik. Ja bʼa tyempo jaw, jitsan alumanik bʼa toj aye soka Jyoba iji spatike sok miljiye. Ja mandaranum ixuk Jezabel skicha ja mandaranel bʼa lajune kʼole bʼa jelxiyeto el skontraʼajel ja Dyos. Waj jun tyempo jel wokol sbʼaja Israel. Ama jachuk, ayto jitsan israʼelenyo bʼa yaʼteltaye toj ja Jyoba, jastal ja mandaranum Jehosafat soka aluman Elías.