Ja tuk chonabʼ bʼa Canaán yabʼye ja jas ekʼ sbʼaj ja Jericó. Ja smandaranumiki xchapawe bʼa wajel tiroʼanel soka israʼelenyo. Pe ja swinkil Gabaón spensarane skʼulajel jun jasunuk. Slapawe poko kʼuʼal, wajye bʼay ja Josué sok yalawe yabʼ: «Jakelotikon bʼa jun najat lugar. Kabʼunejtikon sbʼaja Jyoba soka jastik skʼuluneja wilex ja bʼa Egipto soka bʼa Moab. Ta akʼapawex mi oja milotikon, oj kʼotkotikon awaʼtijumex».

Ja Josué skʼuʼanyile sok skʼapa mi oj smil-e. Bʼa yoxil kʼakʼu, yabʼ ja swinkil Gabaón ti sbʼaje bʼa Canaán sok mojan ja bʼaye. Ja Josué sjobʼoyile: «¿Jas yuj aleʼawex kitikon abʼal?». Ti sjakʼawe: «Yujni wantikon xiwel. Wa xnaʼatikon jawa Dyosex Jyoba yeʼn wa skoltayex ja bʼa tiroʼanel. Moka milotikon». Ja Josué ya kʼotuk ja jas skʼapuneji sok yaʼakan sakʼan.

Jaxa joʼe mandaranum bʼa Canaán soka skʼakʼanume waj tiroʼanuke soka swinkil Gabaón. Ja Josué soka skʼakʼanumiki bʼejyiye snajtil  akwal bʼa waj skoltaye. Sajto kʼe tiroʼanuke. Ja swinkil Canaán spakawe ajnel bʼa tuktukil lugar. Pe ja Jyoba yaʼakan akoʼ sbʼaje niwakik bʼat. Jaxa Josué skʼanayi ja Jyoba bʼa aya kʼot tekʼan ja kʼaʼuji. Mini bʼa jun ekʼele kʼotel tekʼan. Pe ¿jas yuj jach skʼana ja Josué? Yujni sjipa skʼujol bʼa Jyoba. Ja yuj ja kʼaʼuji mi mukxi masan ja israʼelenyo skʼulane ganar ja mandaranumik bʼa Canaán soka skʼakʼanumiki.

«Alawik lek ja‘ yajni leki. alawik miyuk ja‘ yajni miyuki. ja jas wa xjelxi [...] sbʼajxa ja pukuji» (Mateo 5:37, YD).