Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Sjejelik wa xbʼobʼa nebʼ ja bʼa Biblia

 SJEJEL 8

Ja Abrahán soka Sara skʼuʼane ja Dyos

Ja Abrahán soka Sara skʼuʼane ja Dyos

Mojan ja bʼa Babel ajyi jun pilan chonabʼ sbʼiʼil Ur. Ja tiw ja ixuk winiki yaʼteltaye kʼulubʼal dyosik sok mi jaʼuk ja Jyoba. Pe ajyi jun winik ja bʼa Ur bʼa yaʼteltay ja Jyoba, sbʼiʼilan Abrahán.

Ja Jyoba yala yabʼ ja Abrahán: «Aʼakan jawa naji soka wa pamilyaʼiki, sok kaʼax ja bʼa lugar oj jeʼawi». Soka Dyosi skʼapa: «Oj paxan jun niwan chonabʼ. Sok yuj weʼna, oj kayi jastik junuk lek ja ixuk winik bʼa yibʼanal ja luʼum».

Ja Abrahán mi snaʼa ja bʼa jekji yuja Jyoba, pe sjipani skʼujol bʼa yeʼn. Ja Abrahán; ja xcheʼumi, ja Sara; ja stat Taré, sok ja sobrino Lot skʼuʼaneyi ja Dyosi. Xchapawe ja jastik sbʼaje sok wajye.

Ja Abrahán ayiʼoj 75 jabʼil yajni kʼot soka spamilya ja bʼa lugar  skʼanunej ja Jyoba oj yil-e. Ja lugar it sbʼiʼil Canaán. Ja tiw, ja Jyoba skʼapayi ja it ja Abrahán: «Spetsanil ja luʼum it waxa wila, ojni kayi jawa wuntikili». Pe ja Abrahán soka Sara ayxa skʼujole sok mey yuntikile. Ja yujil, ¿jastal oj ya kʼotuk ja Jyoba ja skʼapjel jaw?

«Ja Abrahami, jel scʼuan ja Diosi. Porque alji yabi [...] oj bi huajuc ba otro lugar. Jaxa lugar jahui, oj bi aajuc yi jastal sdote. Cuando el ja ba slugari, mi ni snaa bay ja lugar jau oj aajuc yia» (Hebreos 11:8).