Ja bʼa kwaresma bʼa jabʼil 30, ja Jesús waj man Jerusalén. Jitsan ixuk winik wajele bʼa Jerusalén bʼa skʼintajel ja Pascua. Ja bʼa kʼin jaw, wa xyaʼawe majtanalik chante ja bʼa templo. Jujuntik wa xyiʼaje och ja xchanteʼe, pe tuk ti wa smanawe bʼa Jerusalén.

Yajni ja Jesús kʼot ja bʼa templo, yila jujuntik ixuk winik wane xchonjel chanteʼik ja tiw. ¡Tini wane slejel takʼin ja bʼa naʼits wa x-axiyi stoyjel ja Jyoba! ¿Jasa skʼulan ja Jesús? Skʼulan jun tsʼuʼum sok jaʼ ya makunuk bʼa snutsjel el ja chejik soka wakaxik tey bʼa templo. Cha swichpun el ja smesaʼe ja matik wane sjeltesel takʼin, jaxa sat takʼini saktantan chʼak wajuk. Ja Jesús yalyabʼ ja matik wane  xchonjel paloma: «¡Awik eluk ja jastik junuk it! ¡Mok wawex pax jun merkado ja snaj ja jtati!».

Ja ixuk winike bʼa templo jel cham yilawe yuja jas skʼulan ja Jesús. Ja snebʼumaniki ti julskʼujole ja jas alubʼalkan sbʼaja Mesías: «Jel yaj juntiro wa xkabʼ ja snaj ja Jyoba».

Tsaʼan, ja bʼa jabʼil 33, ja Jesús cha ya ajyuk sak ja templo bʼa xchabʼil ekʼele. Mini xyaʼakan bʼa ay maʼ oj ya kuxbʼuk ja snaj ja sTati.

«Mi ni jun mozo oj bob yatelta chab ajualal. [...] Ja Diosi, ma ja taqʼuini, jayuj tzaa ba oja huaa cʼujoli» (Lucas 16:13).