Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Sjejelik wa xbʼobʼa nebʼ ja bʼa Biblia

 SJEJEL 1

Ja Dyos skʼulan ja satkʼinal sok ja luʼum

Ja Dyos skʼulan ja satkʼinal sok ja luʼum

Ja Jyoba Dyos yeʼn ja jKʼulumantiki. Yeʼn skʼulan spetsanil ja jastik junuki, ja jastik wa xkilatiki sok ja jas mi xkilatiki. Bʼajtanto oj skʼuluk ja jastik wa xkilatiki, ja yeʼn skʼulan jitsan anjelik. ¿Wan maʼ xa naʼa machunkiluk ja anjeliki? Kʼotele yaʼtijumik ja Jyoba sok oj slaj jastal ja yeʼn. Ja keʼntiki mi xbʼobʼ kiltik ja Jyoba sok cha mini xbʼobʼ kiltik ja anjeliki. Ja bʼajtan anjel skʼulan ja Jyoba kʼotni skoltuman. Skoltay ja Jyoba bʼa skʼulajel ja kʼanalik, ja planetaʼik sok ja tuk jastiki. Ja keʼntiki teyotik june ja bʼa planetaʼik jaw, ja tsamal jLuʼumtiki.

Tsaʼan, ja Jyoba xchapa ja luʼum bʼa jachuk ja chanteʼik sok ja ixuk winik ti oj ajyuke sakʼan. Skʼulan ja yijlabʼ ja kʼaʼuji bʼa oj yijlabʼuk ja luʼumi. Cha stojbʼes ja witsiki, ja mari sok ja yok jaʼi.

¿Jasa ekʼ tsaʼani? Ja Jyoba yala: «Oj jkʼuluk ja aki, ja kʼuli sok ja teʼiki». Ja yuj ja bʼa luʼumi och ajyuk tuktukil tikʼe tekʼul, itaj sok nichim. Ja Jyoba cha skʼulan ja jitsan tikʼe chanteʼik: ay bʼa wa xjujpi, bʼa yoj jaʼ sok bʼa wa skicha sbʼaj. Skʼulan chanteʼik bʼa chʼinik, jastal ja chichi. Cha skʼulan bʼa niwak, jastal ja elefante. ¿Jas chanteʼil jel xa kʼulan gusto?

Anto, ja Jyoba yala yabʼ ja bʼajtan anjeli: «La jkʼuluktik ja winiki». Ja ixuk winiki tukni oj kʼotuke yuja chanteʼiki. Oj bʼobʼ stojbʼese jastik junuk, loʼilanel, tsenel sok yajelyi orasyon ja Dyos. Oj stalnaye ja luʼumi  sok ja chanteʼiki. ¿Wan maʼ xa naʼa machun waj ja bʼajtan winiki? La kiltik.

«Ja kʼe kujlajuki ja Dyosi skʼulan ja satkʼinali sok ja luʼumi» (Génesis 1:1).