Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Sjejelik wa xbʼobʼa nebʼ ja bʼa Biblia

Ja libro it oj ya paxyalanan ja bʼa tyempo ekʼeli, tey ja bʼa jastik kʼulaji, ja spojkelal ja Jesús sok ja sGobyerno ja Dyosi.

Karta bʼa Tsome Tojwanum

Jastal oj bʼobʼ paklaxuk ja libro it.

SJEJEL 1

Ja Dyos skʼulan ja satkʼinal sok ja luʼum

¿Jas yuj ja Jyoba skʼulan bʼajtanto jun anjel jel chaʼanyabʼalil sok tsaʼan skʼulan ja tuki?

SJEJEL 2

Ja Dyos skʼulan ja bʼajtan winik sok ja bʼajtan ixuk

Ja Dyos skʼulan ja Adán soka Eva sok ti yaʼa bʼa kʼachinubʼ bʼa Edén. Wani skʼana ayawe ajyuk yuntikile sok yajel paxuk ja luʼum jun kʼachinubʼ.

SJEJEL 3

Ja Adán soka Eva skʼokowe ja yabʼal Dyos

¿Jasa stukil yiʼoj kechanta jun teʼ ja bʼa kʼachinubʼ bʼa Edén? ¿Jas yuj ja Eva sloʼo ja sat teʼi?

SJEJEL 4

Yuja tajki smila ja smoj-alijel

Ja Dyos skʼulan gusto ja majtanal yaʼa ja Abel, pe miyuk ja bʼa Caín. Yajni ja Caín snaʼa, jel tajki sok wego skʼulan jun jasunuk mi lekuk.

SJEJEL 5

Ja arka bʼa Noé

Ja anjelik kʼoka abʼal nupaniye soka ixuke sok ajyi yuntikile bʼa jel malo sok jel chaʼanik. Bʼutʼ bʼa mi lekuk ja luʼumi. Pe ja Noé syajtay sok skʼuʼan ja Dyos.

SJEJEL 6

Waxake ixuk winik bʼa jun ajkʼach luʼum

Ja bʼa Bʼutʼ Jaʼ, yaʼa jaʼ 40 kʼakʼu sok 40 akwal. Ja Noé soka spamilya ajyiye mas ja jun jabʼil ja bʼa arka. Tixa aljiyabʼye yuja Dyos bʼa ojxa bʼobʼ eluke.

SJEJEL 7

Ja chaʼanil naʼits bʼa Babel

Ja ixuk winik skʼanawe yajel kʼeʼuk jun chonabʼ sok jun chaʼanil naʼits bʼa yajel kʼotuk man satkʼinal. ¿Jas yuj yaʼakan ja Jyoba bʼa junta chaykʼujol kʼumaniye tuktukil kʼumal?

SJEJEL 8

Ja Abrahán soka Sara skʼuʼane ja Dyos

¿Jas yuj ja Abrahán soka Sara yawekan ja jastal ajyi ja sakʼanile ja bʼa xchonabʼe bʼa wajye ekʼ bʼa tuktukil lugar ja bʼa slujmal Canaán?

SJEJEL 9

¡Man ajyi jun skereme!

¿Jastal oj ya kʼotuk ja Jyoba ja kʼapjelal skʼulanyi ja Abrahán? ¿Ja maʼ oj ya kʼot sbʼaj ja Isaac ma jaʼa Ismael?

SJEJEL 10

Ajuluka kʼujol ja xcheʼum ja Lot

Ja Dyos ya koʼkon kʼakʼ sok azufre sbʼaja Sodoma soka Gomorra. ¿Jas yuj xchʼaya snajel ja chonabʼik jaw? ¿Jas yuj tʼilan yajel juljkʼujoltik ja xcheʼum ja Lot?

SJEJEL 11

Aji och probar ja skʼuʼajel yiʼoji

Ja Dyosi skʼanayi ja Abrahán: «Awa pabor, aʼa jastal majtanal ja kechana wunini ja bʼa wits Moria». ¿Jastal kuchyuj ja Abrahán yajni aji och probar ja skʼuʼajel yiʼoji?

SJEJEL 12

Ja Jacob ajiyi ja dote

Ja Isaac soka Rebeca ajyi chabʼ skeremtik loj, sbʼiʼilane Esaú sok Jacob. Yuja yeʼn bʼajtan ajyi ja Esaú, ojni ajukyi ajyi jun dote jel chaʼanyabʼalil. ¿Jas yuj sjeltes sok jun sekʼ waʼelal?

SJEJEL 13

Ja Jacob soka Esaú skʼana sbʼaje perdon

¿Jasa skʼulan ja Jacob bʼa aji koʼuk slekilal yuja anjeli? ¿Jastal skʼulan ja Jacob bʼa skʼana sbʼaje perdon soka Esaú?

SJEJEL 14

Jun moso ajyi kʼuʼabʼal soka Dyos

Ja José skʼulan ja bʼa leki, pe ama jachuk jelni yiʼaj wokol. ¿Jas yuj?

SJEJEL 15

Ja Jyoba mi chʼay skʼujol bʼa José

Anima ja José mi tey soka spamilya, ja Jyoba tolabida ti ajyisok.

SJEJEL 16

¿Machunkiluk ja Job?

Anima jel yiʼaj wokol, pe ajyi kʼuʼabʼal soka Jyoba.

SJEJEL 17

Ja Moisés stsaʼa yaʼteltajel ja Jyoba

Ja yal alats Moisés kan sakʼan stsʼakatal yuja jel snaʼa jastal skʼulan ja snani.

SJEJEL 18

Jun ibʼe kʼul wan ajlel

¿Jas yuj mi stsik ja ibʼe kʼul wan ajleli?

SJEJEL 19

Ja sbʼajtanil oxe desgrasya

Ja faraón yaʼakan ja xchonabʼ ayi wokol yuja jel niwan yaʼa sbʼaj sok mi xkiswani.

SJEJEL 20

Ja pilan wake desgrasya

¿Jas yuj ja bʼajtan oxe desgrasyaʼik mini junxtaʼuk yuja tuki?

SJEJEL 21

Ja slajunil desgrasya

Ja desgrasya it jel tsats waji anima ja faraón jel niwan xyaʼa sbʼaj man aji koʼ luʼum.

SJEJEL 22

Ja milagro bʼa mar Rojo

Ja faraón kan sakʼan ja bʼa lajune desgrasyaʼik, pe ¿oj maʼ kan sakʼan ja bʼa milagro it skʼulan ja Dyosi?

SJEJEL 23

Ay jas skʼapaweyi ja Jyoba

Ja israʼelenyoʼik ay jas skʼapaweyi ja Dyos ja yajni ti wane jijlel bʼa yibʼel ja wits Sinaí.

SJEJEL 24

Mi yawe kʼot ja skʼapjel

Yajni ja Moisés wan ajelyi ja Lajune Mandar yuja Dyos, ja chonabʼ wan skʼulajel jun chaʼan mulal.

SJEJEL 25

Jun tabernáculo bʼa stoyjel ja Dyos

Ja bʼa tabernáculo it ti wa xtax ja arka bʼa trato.

SJEJEL 26

Ja 12 tsʼelsatinum

Ja Josué soka Caleb tuke lek yuja 10 winike ja maʼ skʼelawe nakʼul ja luʼum bʼa Canaán.

SJEJEL 27

Yilawe kontra ja Jyoba

Ja Coré, ja Datán, ja Abiram soka 250 winik mini snaʼawe jun jasunuk jel tʼilan sbʼaja Jyoba.

SJEJEL 28

Kʼumani jun snan burra

Ja snan burra ay jas yila bʼa mi bʼobʼ yil ja Balaam.

SJEJEL 29

Ja Jyoba stsaʼa ja Josué

Ja Josué ajiyi tojelal yuja Dyosi bʼa cha wani xbʼobʼ skoltayotik ja keʼntiki.

SJEJEL 30

Ja Rahab snakʼa ja tsʼelsatinumik

Ja sbardaʼil ja Jericó chʼak jemuk. Ja snaj ja Rahab mi jemi, anima tey bʼa sbardaʼil ja chonabʼ.

SJEJEL 31

Ja Josué soka swinkil Gabaón

Ja Josué skʼanayi ja Dyos aya kʼot tekʼan ja kʼaʼuji. ¿Jakʼji maʼ ja yorasyon yuja Dyosi?

SJEJEL 32

Jun ajkʼach tejkʼanubʼal sok chabʼ ixuk mi xiwye

Ja Josué chami, jaxa israʼelenyoʼik kʼe yaʼteltaye kʼulubʼal dyosik. Ja jaw yijan wokolik, pe koltajiye yuja jwes Barac, ja aluman Débora soka Jael bʼa ayiʼoj jun estaka bʼa karpa.

SJEJEL 33

Ja Rut soka Noemí

Chawane biguda kumxiye bʼa Israel. June ja bʼa ixuke it, ja Rut, waj aʼtijuk bʼa jun alaj. Ti snaʼa sbʼaj tiw ja Boaz.

SJEJEL 34

Ja Gedeón skʼulan ganar ja Madián

Ja israʼelenyoʼik skʼanaweyi skoltajel ja Jyoba yujni jel wa x-aji wokolanuke yuja swinkil Madián. Ja Gedeón kechanta jun chʼin kʼole ja skʼakʼanumi, ¿jastal lek skʼulan ganar ja 135,000 kʼakʼanumik?

SJEJEL 35

Ja Ana skʼanayi jun skerem ja Jyoba

Ja Elcaná wa xyiʼaj och ja Ana, ja Peniná soka yuntikil bʼa stoyjel ja Jyoba bʼa tabernáculo bʼa Siló. Ja tiw, ja Ana skʼanayi jun skerem ja Jyoba. Ekʼ jun jabʼil, ajyi ja Samuel.

SJEJEL 36

Ja jas skʼapa ja Jefté

¿Jasa skʼapa ja Jefté? ¿Jas yuj yaʼa ja kʼapjelal jaw? Yajni yabʼ ja yakʼix ja jas skʼapa ja stati, ¿jasa skʼulani?

SJEJEL 37

Ja Jyoba skʼuman ja Samuel

Ja chawane yuntikil ja mero olomal sacerdote Elí cha kʼotele sacerdote ja bʼa tabernáculo. Mini skʼuʼane ja sleyik ja Dyosi. Ja kerem Samuel tukni lek ja yeʼn, sok bʼa jun akwal kʼumaji yuja Jyoba.

SJEJEL 38

Ja Jyoba yayi yip ja Sansón

Ja Dyos yayi yip ja Sansón bʼa tiroʼanel soka filisteoʼik, pe yajni ja Sansón stsaʼa skʼulajel bʼa mi lekuk, ja filisteoʼik syamawe.

SJEJEL 39

Ja bʼajtan mandaranum bʼa Israel

Ja Dyos yayi jwesik ja israʼelenyo bʼa oj tojuke, pe ja yeʼnle skʼanawe jun mandaranum. Ja Samuel stʼoloyi aseyte ja bʼa yolom ja Saúl bʼa yeʼn och ja bʼajtan mandaranum; tsaʼan ja Jyoba ya eluk, ¿jas yuj?

SJEJEL 40

Ja David soka Goliat

Ja Jyoba stsaʼa ja David bʼa yeʼnxa oj kʼotuk mandaranum bʼa Israel, jaxa David sjeʼa sbʼaj oj kʼotuk jun lekil mandaranum.

SJEJEL 41

Ja David soka Saúl

Jun mal winik yilkʼujolan jun lekil winik. ¿Jastal sjakʼa ja lekil winiki?

SJEJEL 42

Ja Jonatán mi xiwi sok toj waji

Ja yunin ja mandaranum kʼot jun lekil yamigo ja David.

SJEJEL 43

Ja smul ja mandaranum David

Ta wa tsaʼa skʼulajel bʼa mi lekuk, wa xyiʼajan jitsan wokolik.

SJEJEL 44

Jun templo sbʼaja Jyoba

Ja Dyos skʼulan gusto ja jas skʼana ja mandaranum Salomón, sok yayi cholalik jel tʼilan.

SJEJEL 45

Spila sbʼaj jun mandaranel

Jitsan israʼelenyo yawekan yaʼteltajel ja Jyoba.

SJEJEL 46

Yaʼawe jun preba ja bʼa wits Carmelo

¿Machun ja Dyos smeranil? ¿Ja maʼ ja Jyoba ma ja Baal?

SJEJEL 47

Ja Jyoba stsatsankʼujolan ja Elías

¿Wan maʼ xbʼobʼ akʼuʼuk ja weʼn oj stsatsankʼujoluka ja Jyoba?

SJEJEL 48

Sakʼwi ja skerem jun biguda

Chabʼ milagro bʼa junta naʼits.

SJEJEL 49

Ajiyi skastigo jun ixuk jel malo

Ja Jezabel xchapa smiljel jun israʼelenyo sbʼiʼil Nabot bʼa kechanta oj yiʼekan ja yalajil stsʼusubʼ. Pe ja Jyoba yila jastal ja smaloʼil.

SJEJEL 50

Ja Jyoba skoltay ja Jehosafat

Ja lekil mandaranum Jehosafat yayi orasyon ja Dyos bʼa akoltajuk yajni ja skontraʼe jak tiroʼanuke soka Judá.

SJEJEL 51

Jun kʼakʼanum sok jun yal akʼix

Jun yal akʼix israʼelenya yalyabʼ ja yixawal sbʼaja niwan yip ja Jyoba. Stsʼakatal yuja jach skʼulani, ajyi jun milagro.

SJEJEL 52

Ja skʼakʼanumik bʼa kʼakʼ ja Jyoba

¿Jastal snaʼa ja skoltuman ja Eliseo bʼa mas jitsan ja skoltanume yuja skontraʼe?

SJEJEL 53

Mi xiw ja Jehoiadá

Jun sacerdote toj stʼaspun jun mandaranum ixuk jel malo.

SJEJEL 54

Ja Jyoba ajyi spasensya soka Jonás

¿Jas yuj bʼukʼji koʼ ja yaluman ja Dyos yuj jun niwan chay? ¿Jastal kan sakʼan ja Jonás? ¿Jastik sjeʼayi ja Jyoba?

SJEJEL 55

Ja yanjel ja Jyoba stalnay ja Ezequías

Ja skontraʼe ja Judá wa xyalawe ja Jyoba mi oj skoltay ja xchonabʼi, pe chʼayele lek.

SJEJEL 56

Ja Josías syajtay ja sLey ja Dyos

Ja Josías kʼe ya mandar ja bʼa Judá yajni ayiʼoj waxake jabʼil sok skoltay ja chonabʼ bʼa yaʼteltajel ja Jyoba.

SJEJEL 57

Ja Jyoba sjeka ja Jeremías bʼa xcholjel

Ja srason ja aluman it jel aji tajkuke ja ansyanoʼik bʼa Judá.

SJEJEL 58

Ja xchʼakelal ja Jerusalén

Ja swinkil ja Judá mi yawekan yaʼteltajel ja kʼulubʼalik dyos, ja yuj ja Jyoba sjipakani.

SJEJEL 59

Chane keremtik skʼuʼane ja Jyoba

Chanwane keremtik wa skʼanawe ajyele toj soka Jyoba, ama teye bʼa snaj ja mandaranum bʼa Babilonia.

SJEJEL 60

Jun Gobyerno oj albʼuk bʼa tolabida

Ja Daniel xcholo ja stojolil ja stukil swayich ja Nabucodonosor.

SJEJEL 61

Mini koʼye sbʼaj mekʼan

Ja Sadrac, Mesac soka Abednego mi koʼye sbʼaj mekʼan ja kʼulubʼal dyos bʼa oro skʼulunej ja mandaranum bʼa Babilonia.

SJEJEL 62

Jun mandaranel jastal jun niwan teʼ

Ja swayich ja Nabucodonosor ya chijkajuk ja jas oj ekʼ sbʼaji.

SJEJEL 63

Ay jas tsʼijbʼaji ja bʼa sat naʼitsi

¿Jas tyempo sjeʼa sbʼaj ja kʼabʼal bʼa ay jas stsʼijbʼan ja bʼa sat naʼitsi? ¿Sok jas wa stojolan?

SJEJEL 64

Ja Daniel bʼa skʼejnal choj

Ayi orasyon kʼakʼu kʼakʼu, jastal skʼulan ja Daniel.

SJEJEL 65

Ja Ester skoltay ja xchonabʼi

Ama jakel bʼa pilan país sok mebʼa, ja Ester kʼot ixawal.

SJEJEL 66

Ja Esdras sjeʼa ja Ley bʼa Dyos

Yajni ja israʼelenyo yabʼye ja jas yala ja Esdras, ja yeʼnle ay jas skʼapawe jel chaʼanyabʼal.

SJEJEL 67

Ja bardaʼik bʼa Jerusalén

Ja Nehemías yabʼ oj waj ixtalajuke yuja skontraʼiki. ¿Jas yuj mi xiwi?

SJEJEL 68

Ja Elisabet ajyi jun yalats

¿Jas yuj mi bʼobʼ kʼumanuk ja statam ja Elisabet masan ajyi ja yal yalatse?

SJEJEL 69

Ja anjel Gabriel yulatay ja María

Ja María ajiyi jun rason bʼa aji tukbʼuk ja sakʼanili.

SJEJEL 70

Ja anjelik yalawe ja spojkelal ja Jesús

Ja talnuman chejik bʼa yabʼye ja rasoni wegoxta waj yile ja Jesús.

SJEJEL 71

Ja Jyoba stalna ja Jesús

Jun mandaranum jel malo sleʼa oj smil ja Jesús.

SJEJEL 72

Ja kerem Jesús

¿Jas yuj jel cham yabʼye ja jeʼumanik bʼa templo yajni smaklaye ja Jesús?

SJEJEL 73

Ja Juan xchapa ja bʼej sbʼaja Jesús

Ja Juan jun aluman bʼa yala sbʼaja sjulelal ja Mesías. ¿Jasa skʼulane ja ixuk winik yajni yabʼye ja jas yala?

SJEJEL 74

Ja Jesús yeʼnxa ja Mesías

¿Jasa kʼan yal ja Juan yajni yala ja Jesús yeʼn ja Chej bʼa Dyos?

SJEJEL 75

Aji och probar ja Jesús yuja Dyablo

Aji och probar oxe ekʼele ja Jesús yuja Dyablo. ¿Jastik preba waji? ¿Jastal sjakʼa ja Jesús?

SJEJEL 76

Ja Jesús ya ajyuk sak ja templo

¿Jas yuj ja Jesús ya eluk ja chanteʼik ja bʼa templo sok swichpun ja smesaʼe ja matik wane sjeltesel takʼin?

SJEJEL 77

Ja Jesús staʼa loʼil jun ixuk bʼa jun poso

¿Jas yuj jel cham yabʼ jun ixuk bʼa Samaria yajni tey bʼa sposo ja Jacob taji loʼil yuja Jesús? Ja Jesús ay jas yala yabʼ ja ixuki bʼa mi maʼ yalunej yabʼ. ¿Jasunkiluka?

SJEJEL 78

Ja Jesús xcholo sbʼaja sGobyerno ja Dyosi

Ja Jesús sloko ja snebʼumanik bʼa slejel ja ixuk winik. Tsaʼan, xchapa 70 ja snebʼumanik bʼa xcholjel jun lekil rason.

SJEJEL 79

Ja Jesús skʼulan jitsan milagro

Chikan bʼa wa xwaj ekʼ ja Jesús, ja matik maloʼayi wa skʼanaweyi skoltajel, jaxa yeʼn ya tojbʼuk. Cha ya sakʼwuk jun yal akʼix.

SJEJEL 80

Ja Jesús stsaʼa ja 12 sjekabʼanumi

¿Jas yuj stsaʼa? ¿Wan maʼ xjula kʼujol ja sbʼiʼile?

SJEJEL 81

Ja Loʼil bʼa Yaxkʼul

Ja Jesús sjeʼayi jastik junuk jel tʼilan jun tsome ixuk winik.

SJEJEL 82

Ja Jesús sjeʼa jastal yajelyi orasyon

¿Jasa yala yabʼ ja Jesús ja snebʼumanik bʼa mok yawekan skʼanjel?

SJEJEL 83

Ja Jesús yayi swaʼel jitsan ixuk winik

¿Jasa wa sjeʼakitik bʼa Jesús sok bʼa Jyoba sbʼaja milagro it?

SJEJEL 84

Ja Jesús bʼejyi bʼa sat jaʼ

Pensaraʼan, ¿jastal maʼ yabʼye ja nebʼumanik yajni yilawe ja milagro jaw?

SJEJEL 85

Ja Jesús ajnani bʼa sábado

¿Jas yuj jujuntik mi lek yilawe ja jas skʼulan ja Jesús?

SJEJEL 86

Ja Jesús ya sakʼwuk ja Lázaro

Yajni ja Jesús yila wan okʼel ja María, ja yeʼn cha kʼe okʼuk. Pe ja tristeʼil jaw wegoxta pax gustoʼil.

SJEJEL 87

Ja Cena ja Kajwaltiki

Ja Jesús yayi tojelal ja sjekabʼanumik ja yajni teye ja bʼa Cena ja Kajwaltiki.

SJEJEL 88

Syamawe ja Jesús

Ja Judas Iscariote wan stojel jun tsome winik ayiʼoje espada sok garrote ja bʼa jardín bʼa Getsemaní bʼa wajume syamjel ja Jesús.

SJEJEL 89

Ja Pedro yala mi snaʼa sbʼaj ja Jesús

¿Jasa ekʼ ja bʼa spatyoʼil snaj ja Caifás? ¿Jasa ekʼ sbʼaj ja Jesús ja bʼa yoj naʼitsi?

SJEJEL 90

Ja Jesús cham bʼa Gólgota

¿Jas yuj yaʼa mandar ja Pilato amiljuk ja Jesús?

SJEJEL 91

Ja sakʼwelal ja Jesús

¿Jastik junuk ekʼ bʼa jel chamyabʼjel yajni sakʼwita ja Jesús?

SJEJEL 92

Ja Jesús sjeʼa sbʼaj soka yamachayik

¿Jasa skʼulan ja Jesús bʼa oj payjuke ja snebʼumanik?

SJEJEL 93

Ja Jesús kumxi bʼa satkʼinal

Bʼajtanto oj kumxuk, ja Jesús yayi stojelal ja snebʼumanik bʼa jelni tʼilanik.

SJEJEL 94

Ja nebʼumanik koʼ sbʼaje ja yip ja Dyos

¿Jasa bʼobʼ skʼuluke stsʼakatal ja yip ja Dyosi?

SJEJEL 95

Mi jas bʼobʼ timjukeyuj

Ja olomalik bʼa relijyon matik smilawe ja Jesús sleʼawe modo yajel chʼajbʼajuke ja nebʼumaniki, pe mini lajxiyujile.

SJEJEL 96

Ja Jesús stsaʼa ja Saulo

Ja Saulo jun kʼakʼal skontraʼanum ja nebʼumanik, pe tsaʼan tukbʼi.

SJEJEL 97

Ja Cornelio koʼ sbʼaj ja yip ja Dyos

¿Jas yuj ja Dyos sjeka ja Pedro bʼa snaj ja winik it mi judíoʼuk?

SJEJEL 98

Ja nebʼumanik wajye bʼa jitsan chonabʼik

Ja jekabʼanum Pablo soka smojik misionero kʼeye xcholjel bʼa najtik lugar.

SJEJEL 99

Jun talna preso snebʼa ja smeranil

Ja bʼa loʼil it, ¿jas yuj ti chʼikan ja maʼ ochel sbʼaj pukuj, ja terremoto sok jun espada?

SJEJEL 100

Ja Pablo soka Timoteo

Ja chabʼ winike aʼtijiye jitsan jabʼil lajan sok yamigoʼan sbʼaje.

SJEJEL 101

Iji och ja Pablo man Roma

Jelni ja wokol ja bʼa wajumi, pe mini jas timjiyuj ja jekabʼanumi.

SJEJEL 102

Ja nakʼsatik yila ja Juan

Ja Jesús sjeʼayi ja Juan jitsan nakʼsatik sbʼaja tyempo jakumi.

SJEJEL 103

«Ajakuk jawa Gobyerno»

Ja Juan yila bʼa jun wayichal jastal oj ajyuk ja jsakʼaniltik yajni tixa ay ja sGobyerno ja Dyosi.