Kaʼax ja bʼa sbʼaʼal

Kaʼax ja bʼa sbʼaʼali

Taʼumantiʼik bʼa Jyoba

Stsajel jun kʼumal tojol-abʼal

Ja rason yiʼojan ja Biblia. Bʼa tʼusanta yaljel

Ja rason yiʼojan ja Biblia. Bʼa tʼusanta yaljel
  1. Ja Jyobaji wa skʼulan ja Adán sok ja Eva bʼa oj ajyuke sakʼan bʼa juntiro ja bʼa Kʼachinubʼi. Ja Satanasi wa xkʼumani sbʼaj kistal ja sbʼiʼil ja Dyosi sok wa xyala ta lek sok ta kechantani yeʼn ja Jyobaji ja maʼ oj ya mandari. Ja Adán sok ja Eva wa snochowe ja Satanasi, jachuk wa xyiʼawe jan yiʼ mulal sok chamelchʼakel ja yintileʼi

  2. Ja Dyosi wa xyala jas oj ekʼ sbʼaje ja kʼokʼa abʼaliki sok wa skʼapa oj jak jun Intil oj ya chʼay snajel ja Satanasi sok oj ya chʼayuk ja jastik jakel yuj ja kʼokʼxi mandari sok yuj ja mulali

  3. Ja Jyobaji wa skʼapa yiʼ ja Abrahán sok ja Davidi bʼa yintil yeʼnle tiʼ oj eluk ja Intil kʼapubʼali, ma ja Mesías oj ya mandar bʼa tolabida

  4. Ja Jyobaji wa smaja yiʼ stiʼ ja aluman jumasaʼ bʼa oj yal-e ja Mesiasi oj xchʼak ja mulali sok ja chamelchʼakeli. Chomajkil, ja yeʼn sok tuk ixuk winik oj yaʼe mandar bʼa sGobyerno ja Dyosi sok oj xchʼak-e ele ja kʼakʼaneli, ja chameli sok ja chamelchʼakeli

  5. Ja Jyobaji wa sjeka kon ja Yunin bʼa Luʼum sok wa xya chiknajuk ja Jesusi yeʼnani ja Mesiasi. Ja Jesusi wa xcholo ekʼ ja lekil rason sbʼaj ja sGobyerno ja Dyosi sok wa xyaʼa ja sakʼanili yuj keʼntik. Tsaʼan, ja Jyobaji wa xya sakʼwuk jastal jun ikʼ ason

  6. Ja Jyobaji wa xya och Mandaranumil ja Jesús bʼa satkʼinal, jachuk wa stulu ja tsaʼanxta kʼakʼu ja bʼa luʼumkʼinal it. Ja Jesusi wa stojo ja snochuman ja bʼa spukjel ekʼ ja lekil rason sbʼaj ja sGobyerno ja Dyosi

  7. Ja Jyobaji wa xyala yabʼ ja Yunini axa kʼe ya ja smandar sbʼaj ja Luʼumi. Ja Gobyerno it wa sbʼata el spetsanil ja matik wan yajel mandar ja weʼgo, wa xcha ya paxuk ja luʼum jun Kʼachinubʼ sok wa xya sakbʼuk ja matik toj ayi. Ja xchol yiʼoj ja Jyobaji bʼa kechanta yeʼn oj ya mandar wa x-aji chaʼanbʼuk, sok wa x-aji sakbʼuk el juntiro ja sbʼiʼili