Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Jawa pamilya oj bʼobʼ ajyuk gusto

 XETʼAN 5

Jastal yiljel jbʼajtik lek soka pamilya

Jastal yiljel jbʼajtik lek soka pamilya

«Sbej oj talnatic jyaujulal jbajtic. Oj leetic modo jastal oj colta jbajtic. Mi oj toy jbajtic [...]. Oj cʼultic ahuantar ja huocoli.» (Colosenses 3:12)

Yajni jun ixuk sok jun winik wa xnupaniye, junxa ni yajkʼachil pamilya. Sok anima mini oja wakan skʼanjel sok skisjel jawa nana tati, ja wego ja mas ayxa stʼilanilawuji jawa nupi. Soka it, bʼobʼta jujuntik ja bʼa wa pamilyaʼiki wokol ni oj yabʼyeʼa. Pe ja rasonik wa xyaʼa ja Biblia oj bʼobʼ skoltaya bʼa lek oja wilabʼaj sok jawa pamilyaʼiki malan cha wana stsatsankʼujolajel jawa nupaneli.

 1 MOKA WAKAN SKISJEL JAWA NANA TATI

JA JAS WA XYALA JA BIBLIA: «Yajtayic ja hua nan atatexi» (Efesios 6:2). Chikan janekʼ jabʼil awiʼoj, tʼilan oja yajtay sok oja kis jawa nana tati. Pe ajuluka kʼujol jawa nupi cha wani skʼana ja yeʼn oj spil styempoʼil soka snantati. «Ja maʼ ay syajal ja scʼujoli [...]. Mi envidiosouc ja yeni», ja yuj mok kʼeʼuka wolom ja jastal wa xyila sbʼaj soka spamilya jawa nupi (1 Corintios 13:4; Gálatas 5:26).

JA JAS OJ BʼOBʼA KʼULUKI:

  • Mok jelxan sok yaljelik jastalik it: «Jawa pamilya tolabida wa skʼenayon» ma «Jawa nani tolabida mi lek xyila ja jas wa xkʼulani»

  • Kʼela ja jastik junuki ja jastal wa xyila jawa nupi

 2 MOK KʼOKXANIK SOKA JAS OJA CHAP-EXI

JA JAS WA XYALA JA BIBLIA: «Ja yuj ja winiki ojni yakan ja stat soka snani, sok jaxani oj ajyuk soka xcheʼumi, sok ojni paxuke juneʼitaʼa» (Génesis 2:24). Anima nupaniyata, bʼobʼta jawa nantat oj spensaraʼuke yeʼnto mero kajan sbʼaje oj skʼel-a sok bʼobʼta jel oj skʼan oj xchʼik sbʼaje ja bʼa wa nupaneli.

Tini ay bʼa wa kʼabʼex yaljel bʼa man tikʼan waxa kʼanawex oj xchʼik sbʼaje ja bʼa wa nupaneli, sok tsamalxta yaljel yabʼye. Wani xbʼobʼ alxuk jaman lek ja jastik junuk jachʼ mi tajkeluk (Proverbios 15:1). Ja chʼin waxa kʼulanabʼaj, ja laman wala ajyi soka snajel stekʼjel oj skoltaya bʼa lek oja wilabʼaj soka wa pamilya sok «ta ay cʼa jas huax cʼulaji ahuilex, [ojni akʼul-ex] ahuantar» (Efesios 4:2).

JA JAS OJ BʼOBʼA KʼULUKI:

  • Ta wa xchama kʼujol jawa pamilya jel xchʼika sbʼaj ja bʼa wa nupaneli, anto iʼaj loʼil jawa nupi yajni laman ayexi

  • Ochanik akwerdo sbʼaj jastal oja kʼulukex soka jastik junuk jaw