Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Jawa pamilya oj bʼobʼ ajyuk gusto

 XETʼAN 2

Moka wakan skʼanjelabʼajex

Moka wakan skʼanjelabʼajex

«Jayuj mi sbejuc oja pilex ja jas ya staa sbaj ja Diosi.» (Marcos 10:9)

Ja Jyoba wa skʼana moka wakan skʼanjelabʼajex (Salmo 18:25). Ja it jelni tʼilan ja bʼa nupaneli, pes ta june bʼa xchawanile mi tojuk ay soka snupi mi xbʼobʼ sjip skʼujol sbʼaje. Sok ja jipjelkʼujolali jelni tʼilan ja bʼa nupaneli bʼa oj skʼan sbʼaje mas.

Ja bʼa jtyempotiki, ja nupanumik bʼa mi xyaʼawekan skʼanjel sbʼaje sok toj ayeʼi jelni xiwela sbʼaj oj jomuk. Ja yuj, bʼa oja talnay jawa nupaneli, jelni tʼilan oja kʼuluk chabʼ jasunuk.

 1 AYI STʼILANIL JAWA NUPANELI

JA JAS WA XYALA JA BIBLIA: «Aa cuidadoex jastal huala bejyiyex ja ba mundo iti» (Efesios 5:15, 16). Aʼa kwidado bʼa jaʼa oja wil jawa nupanel ja bʼa jastik junuk jel tʼilan ja bʼa wa sakʼanili. Ilani stʼilanil.

Ja Jyoba wa skʼana ja weʼn jaʼita oj waja kʼujol jawa nupi sok bʼa lajan oja wabʼyex stsamalil jawa sakʼanilexi (Eclesiastés 9:9). Ja Jyoba jaman lek wa xyala moka wakan syajtajel jawa cheʼumi, sok leʼa modoʼik bʼa skʼulajel jastik junuk bʼa yajel gustoʼaxuk (1 Corintios 10:24). Ayabʼ jawa cheʼumi ma wa tatami wa xmakuniʼawuj sok waxa kisa.

JA JAS OJ BʼOBʼA KʼULUKI:

  • Pila tyempo jachʼ tikʼan bʼa aʼekʼukawujilex lajan, sok aʼa kʼujol bʼa yeʼna

  • Pensaraʼan bʼa wa nup sok mi kechanta bʼa weʼna

 2 TALNAY JAWA KʼUJOLI

JA JAS WA XYALA JA BIBLIA: «Pero ja quen huax cala huabyex, ta ay cʼa jun huinic quechan huax yila jun ixuc, jex cʼancʼoni yuj, quechan soc ja jahui, slea ta ni smula, anima mi jas huas scʼulan» (Mateo 5:28). Ta june bʼa yeʼnle wan spensarajel jastik junuk bʼa kux, bʼa jun modo wanxani yijel spatik ja snupi.

Ja Jyoba wa xyala jelni tʼilan stalnajel ja kʼujolali (Proverbios 4:23; Jeremías 17:9). Bʼa oja talnay jawa kʼujoli, jelni tʼilan oja talnabʼaj soka jas waxa wila (Mateo 5:29, 30). Nocho ja smodo ja awel Job, ja yeʼn yalani sbʼaj ja bʼa skʼujoli bʼa mini oj kʼankʼunuk skʼujol pilan ixuk bʼa mi jaʼuk ja xcheʼumi (Job 31:1). Ja yuj, mokni awil jastik junuk bʼa wa sjeʼa bʼasan ixuk winik ma chikan jastal jaw. Mokni wakan ajakuk ja bʼa wa pensari skʼanjel jun ixuk ma winik bʼa mi jaʼuk jawa cheʼumi ma wa tatami.

JA JAS OJ BʼOBʼA KʼULUKI:

  • Jeʼa jaman lek soka tuki chaʼanyabʼalil lek waxa wila jawa nupaneli

  • Kisa jastal ay xyabʼ jawa nupi sok kʼutsu wego ja jastal waxa wilabʼaj sok chikan machʼa bʼa mi jel lek xyila jawa nupi