Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Jawa pamilya oj bʼobʼ ajyuk gusto

 XETʼAN 9

Aʼteltay ja Jyoba lajan soka wa pamilya

Aʼteltay ja Jyoba lajan soka wa pamilya

«Toyowik ja ma‘ skʼulan ja satkʼinali sok ja luʼumkʼinali.» (Ja swayichi [Apocalipsis] 14:7, YD)

Jastalni awilata ja bʼa poyeto it, ja Biblia ayiʼoj jitsan rasonik bʼa oj skoltaya ja weʼn soka wa pamilya. Ja Jyoba wa skʼana oj ajyanik gusto. Chomajkil, wa skʼapa ta jani bʼajtan wa xwaja kʼujol yaʼteltajel «mi ni jas oj scʼuluc ahuilex palta» (Mateo 6:33). Ja Dyosi wa skʼana oja wamigoʼuk. Ja yuj, leʼa tuktukil modo bʼa oj mojxan mas soka yeʼn, pes jani ja jasunuk mas jel chaʼanyabʼalil yiʼoj jun ixuk winik (Mateo 22:37, 38).

 1 TSATSANKʼUJOLAN JA JASTAL WAXA WILABʼAJ SOKA JYOBA

JA JAS WA XYALA JA BIBLIA: «Oj ochcon tatalil ahuujilex, como cuntiquilex ni ja huenlexa. Jach ni huax yala ja Cajualtic ja maʼ jel ja yipi» (2 Corintios 6:18). Ja Jyoba wa skʼana oj kʼotan jun yamigo, sok ja orasyon jani jun modo bʼa oj mojxansok. Ja Jyoba wa slokowotik: «Cʼacʼu acual cʼumanic ja Diosi» (1 Tesalonicenses 5:17). Ja yeʼn wa skʼana oj kaltiyabʼ ja jas wa xcham jkʼujoltiki soka mero ay ja bʼa jpensartiki (Filipenses 4:6). Ta waxa kʼulan orasyon lajan soka wa pamilya, ja yeʼnleʼi oj skʼel-e juni Dyos sakʼan ja jastal waxa wila ja weʼni.

Pe mi kechanta oj ochan loʼil soka Dyosi, cha tʼilan oja maklay. ¿Jastal oj bʼobʼukawuj? Jani spaklajel ja Yabʼali sok skʼumajel ja juʼunik wa x-el ja bʼa Biblia (Salmo 1:1, 2). Pensaraʼan sbʼaja jas wana snebʼjeli (Salmo 77:11, 12). Bʼa oja maklay ja Dyosi jelni tʼilan moka chʼay ja tsomjeliki (Hebreos 10:25).

Pilan modo bʼa stsatsankʼujolajel ja jastal waxa wilabʼaj soka Jyoba, jani sloʼiltajel sbʼa yeʼn soka tuki. Ta mas waxa kʼulan, masni mojan oja wabʼ aya soka yeʼn (Mateo 28:19, 20).

JA JAS OJ BʼOBʼA KʼULUKI:

  • Pila tyempo bʼa yajel orasyon sok skʼumajel ja Biblia kʼakʼu kʼakʼu

  • Jastal pamilya aʼawik bʼajtan bʼej yaʼteltajel ja Dyos yuj tuk jasunuk

2 ABʼAN STSAMALIL JAWA TSOMJEL BʼA PAMILYA

JA JAS WA XYALA JA BIBLIA: «Ajyanic cʼuban soc ja Diosi, jach ni ja yeni, mojan ni oj ajyuc amoquexa» (Santiago 4:8). Aʼa kulan jun kʼakʼu sok jun ora bʼa oja kʼuluk jawa tsomjel bʼa pamilya, pe jachʼ tikʼan (Génesis 18:19). Pe mi kechanuk ja jaw, aʼa tʼabʼan akʼujol ja Dyos kʼakʼu kʼakʼu. Jeʼayi jawa pamilya bʼa mas kʼubʼan oj ajyuke soka Dyosi «yajni wana jijlel ja bʼa wa naji, yajni wajuma bʼa bʼeji, yajni xwaj wayani sok yajni la kʼeʼi» (Deuteronomio 6:6, 7). Ja yuj, kʼulan ja jastal skʼulan ja Josué, ja maʼ yala: «Pe sbʼaja keʼn soka jnaji, ja keʼntikoni jani oj kaʼteltaytikon ja Jyoba» (Josué 24:15).

JA JAS OJ BʼOBʼA KʼULUKI:

  • Chapawik lek sok ochanik akwerdo soka jas waxa wilawex ayto skʼana oj skʼuluke ja jujune jawa pamilya sok jastal sjejel