Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja jlibro wa sloʼiltay loʼilik bʼa Biblia

 LOʼIL 98

Ja bʼa switsil Olibo

Ja bʼa switsil Olibo

JA WINIK it jaʼa Jesús bʼa switsil Olibo, sok ja chane winik teysoki jaʼa snebʼumaniki. Ja yeʼnle sbʼiʼile Andrés, Pedro, Santiago sok Juan. Ja niwan naʼits waxa wila ochi jaʼa stemplo ja Dyos bʼa Jerusalén.

Ekʼel xa chabʼ kʼakʼu man ja Jesús och och ja bʼa Jerusalén kajan ja bʼa yal bʼuruji. Ja bʼa skʼakʼuʼil martesi tixaʼay bʼa switsil Olibo, pe bʼajtanto yuja kʼakʼu jaw, ja Jesús ti ajyi bʼa templo. Ja tiw ja olomalik wa xyilkʼujolaneʼi sleʼawe modo bʼa oj smil-e, pe xiwye yujni ja ixuk winiki jel lek xyilawe ja Jesús.

Jesús yala yabʼ ja olomalik bʼa templo: «¡Jaʼa mojex ja ajwuchaniki!». Yuja jastik junuk mi lekuk skʼulunejeʼi, Jesús yala yabʼye ojni kʼulajuke kastigar yuja Dyosi. Tsaʼan, ja Jesús ti waj bʼa wits Olibo, sok ja chane snebʼumaniki kʼe yawe yi sjobʼjelik. ¿Wan maʼ xa naʼa jas sjobʼowe?

Ja nebʼumaniki sjobʼowe sbʼaja jasa ojto ekʼuki. Wani snaʼawe ja Jesús ojni ya chʼaysnajel ja jastik junuk mi lekuk wan kʼulaxel ja bʼa Luʼumi. Pe ja jasa wa skʼana oj snaʼe jaʼa jas kʼakʼujil oj ekʼuk ja it. ¿Jas kʼakʼu oj jakuk ja Jesús jastal jun Mandaranum?

Jesús wani snaʼa ja nebʼumanik teye bʼa Luʼumi mini xbʼobʼ yil-e yajni xjak yajkʼachil ekʼele. Ja yeʼn tixa oj ajyuk bʼa satkʼinal, sok ja yeʼnleʼi mixa ni xbʼobʼ yil-eʼa. Ja yuj ja Jesús yala yabʼ ja snebʼumaniki jujuntik jasunuk oj ekʼuk ja bʼa Luʼumi yajni ja yeʼn wanxa yajel ja smandar bʼa satkʼinal. ¿Jastik maʼ junuk ja jaw?

Jesús yala yabʼ ja snebʼumaniki oj ajyuk niwak kʼakʼanel, jitsan ixuk winik oj koʼuke chamel sok mey jas oj yabʼye, spekʼjel chikʼ sok niwak kʼitkʼin. Chomajkil yala bʼa yibʼanal ja Luʼumi oj pukxuk ekʼ ja lekil rason sbʼaja sMandar ja Dyosi. ¡Jachʼni wan ekʼel ja bʼa jtyempotiki! Soka it wani xnaʼatik ja Jesusi wanxa ni yajel ja smandari ja bʼa satkʼinali. Tʼusanxta skʼana bʼa oj ya chʼaysnajel ja jastik mi lekuk wan kʼulaxel ja bʼa Luʼumi.

Mateo 21:46; 23:1-39; 24:1-14; Marcos 13:3-10.