Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Ja jlibro wa sloʼiltay loʼilik bʼa Biblia

 LOʼIL 1

Dyos wa xkʼe skʼuluk ja jastik junuki

Dyos wa xkʼe skʼuluk ja jastik junuki

SPETSANIL ja jastik lek wa xkilatiki ti naka jakel bʼa Dyos. Yeʼn skʼulan ja Kʼaʼuji bʼa oj ijlabʼanuk bʼa satkʼakʼu, skʼulan ja Luna sok ja kʼanali bʼa oj yakitik tʼun yijlabʼ ja akʼwali. Ja Yeʼn cha skʼulan ja Luʼumi bʼa tiʼ oj ajyukotik sakʼan tiw.

Pe bʼajtanto oj skʼuluk ja Kʼaʼuji, ja Luna, ja kʼanali soka Luʼumi, ja Dyosi skʼulan bʼajtan jujuntik jas junuk. ¿Jasa maʼ skʼulani? Ja Biblia wa xyala ja Dyosi skʼulan anjel jumasaʼ. Ja yeʼnleʼi mini xbʼobʼ kiltikeʼa, jastal mi xbʼobʼ kiltik ja Dyosi. Ja Yeʼn skʼulan bʼa tiʼ oj ajyuke sakʼan smok bʼa satkʼinal.

Ja bʼajtan anjel skʼulan ja Dyosi jel chaʼanyabʼalil, yeʼn waj ja bʼajtan Yunini. Ja Dyosi jelni syajtay juntiroʼa, ja yeʼn aʼti sok lajan ja sTati. Skoltay ja Dyosi bʼa skʼulajel ja tuk jastik junuki. Skoltay skʼulajel ja Kʼaʼuji, ja Luna, ja kʼanali soka Luʼum bʼayotiki.

¿Jastal ay ajyi ja Luʼumi? Ja yajni kʼe kujlajuki mini maʼ wa xbʼobʼ ajyuk sakʼan ja bʼa Luʼuma. Kechan jaʼ smusunej spetsanil ja Luʼumi. Ja Dyosi wa skʼana oj ajyuk sakʼan ixuk winik ja bʼa Luʼumi. Ja yuj ja yeʼn kʼe xchapkitik. ¿Jastal skʼulan?

Bʼajtan ja Luʼumi wa skʼana kʼaʼuj. Anto ja Dyosi ya eluk ja Kʼaʼuji bʼa oj ijlabʼanuk bʼa Luʼum. Jachuk ja yeʼn skʼulan aʼajyuk akʼwal sok satkʼakʼuj. Tsaʼan ja Dyosi ya elkʼen kayan ja luʼumi bʼa sat ja jaʼi.

Ja bʼa sat ja luʼumi mini jas ay ajyiʼa. Oj slajtik ja dibujo ti jakeli. Mini ay nichim, teʼaltik, chante sok mey chay ja bʼa yoj jaʼi. Ja Dyosi jelni juntiro ja yaʼteli bʼa oj ya paxuk ja Luʼumi jun lekil lugar bʼa oj ajyuk sakʼan gusto ja chanteʼi soka ixuk winikeʼi.

Jeremías 10:12; Colosenses 1:15-17; Génesis 1:1-10.