Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Lekil yaljelik jakel bʼa Dyos

 XETʼAN 13

¿Jasa wa xyala ja Biblia sbʼaja relijyoni?

¿Jasa wa xyala ja Biblia sbʼaja relijyoni?

1. ¿Lek maʼ spetsanil relijyon?

Ja bʼa relijyoniki ayni ixuk winik wani skʼana oj snebʼ-e ja smeranil sbʼaja Dyosi, soka Dyos wani xyila ja slekil skʼujole sok wani skisaʼa. Pe ja stukili, jitsan ixuk winik wa xyawe kuxbʼuk ja sbʼiʼil ja relijyoni yajni wa skʼulane ja bʼa mi lekuki (2 Corintios 4:3, 4; 11:13-15). Jujuntik relijyon ti chʼikane ja bʼa kʼakʼaneli, ja bʼa terrorismo, ma smiljel ja tuki yuja mi junxta srasasok, yelaw ma kʼumal sok yixtalajel ma wayel soka yal untiki. Yajni ja matik wa skʼanawe snebʼjel bʼa Dyosi wa xyilawe ja jastik it, ti tiw wa x-el sganaʼe. Kʼuman ja Mateo 24:3-5, 11, 12.

Ja relijyon bʼa smeranili wani stoyo ja Dyosi, pe ja relijyon mi meranuki wa xya kuxbʼuk, pes wa sjeʼawe pensarik mi jachukuk wa xyala ja Biblia, jastal ja jas wa x-ekʼ ja wala chamtiki sok wa sjeʼawe jastik junuk mi meranuk sbʼaja Dyosi. Pe ja Jyoba wa skʼana ja ixuk winik a-snaʼe ja smeranil sbʼaja yeʼn. Kʼuman ja Eclesiastés 9:5, 10 sok 1 Timoteo 2:3-5.

2. ¿Jasa wa xyala ja Biblia sbʼaja relijyoni?

Ja Dyosi mini xyaʼa sbʼaj loʼlajel soka ixuk winik wa xyalawe wa xyajtajiyuji, pe soka smodoʼe wa sjeʼawe jaʼ wa syajtaye ja luʼumkʼinali tey bʼa skʼabʼ ja Satanasi (Santiago 4:4). Ja Yabʼal ja Dyosi wa xya sbʼiʼiluk Niwan Babilonia spetsanil ja relijyon mi meranuki. Tsaʼan yajni ekʼ ja niwan Bʼutʼ Jaʼ bʼa styempo ja Noeji, ja Babilonia juni chonabʼ ajyiʼa bʼa ti el spetsanil ja relijyonik mi meranuki. Pe xmojojixta, bʼa junta chʼaykʼujol ja Dyos oj xchʼaysnajel ja relijyonik wa sloʼlay sok wa xya wokolanuk ja ixuk winiki. Kʼuman ja Apocalipsis 17:1, 2, 5, 16, 17; 18:8.

Spetsanil ja ixuk winik matik teye bʼa relijyon mi meranuki sok wa skʼana oj snebʼ-e ja smeranili, ja Jyoba mini chʼayeluk  skʼujola sok wan stsomjeljani, ¿jastal maʼ wan skʼulajel? Jani soka sjeʼjel yile ja smeranil sbʼaja Yeʼn. Kʼuman ja Miqueas 4:2, 5.

3. ¿Jasunkiluk maʼ oj skʼuluke ja matik wa skʼana oj snebʼ-e sbʼaja Jyoba?

Ja relijyon smeranili wani stsomo ja ixuk winiki

Jyoba wani xchamskʼujol sbʼaja matik wa skʼanawe skʼulajel ja bʼa leki sok wa syajtaye ja smeranili. Ja yuj, ja yeʼn wa xyala yabʼ jel tʼilan aʼeluke ja bʼa relijyon mi meranuki. Ta meran wa skʼanawe syajtajel ja Dyosi, anto ojni stukbʼese ja sakʼanileʼi. Kʼuman ja Apocalipsis 18:4.

Ja bʼa bʼajtan siglo, yajni ja snebʼumanik ja Jesús xcholowe ja lekil yaljeliki, jitsan ixuk winik jelni tsamal yabʼyeʼa sok kʼe snebʼ-e jun yajkʼachil modo ja bʼa sakʼanileʼi jastal ni wa skʼana ja Jyoba, jun sakʼanil bʼa ay stojolil sok jun jipelkʼujolal sbʼaja jastik skʼapunej oj skʼuluk ja Dyosi. Junxta jastal skʼulane ja ixuk winik yabʼye ja lekil yaljeliki, tʼilani oj jkistik ja jastik wan choljeli sok oj katik bʼajtan bʼej ja Jyoba. Kʼuman ja 1 Tesalonicenses 1:8, 9; 2:13.

Ja Jyoba jelni gusto xyila ja matik wa xyaʼawekan ja relijyon mi meranuki sok wa x-ochye ja bʼa relijyon smeranili. Ta weʼn ochya sok akʼana ja lokjel wa xyawi ja Jyoba, anto oj bʼobʼ awamigoʼuk sok oj kʼot ajyuk juna yajkʼachil pamilya bʼa wa syajtaye sok yamigoʼe ja Dyosi, sok stajel kʼot ja sakʼanil bʼa tolabida. Kʼuman ja Mateo 19:29 sok 2 Corintios 6:17, 18.

4. ¿Jastal oj kʼot ajyuk slamanil bʼa yibʼanal ja Luʼumi?

Yajni ja Dyos xchʼaya snajel ja relijyon mi meranuki, ti oj yijan slamanil ja bʼa luʼumi. Mixa ni oj ajyuk mini jun relijyon mi meranuk bʼa wa sloʼlay sok wa spila ja ixuk winiki. Spetsanile kechantani oj yaʼteltaye lajan ja Dyos smeranili. Kʼuman ja Apocalipsis 18:20, 21; 21:3, 4.