Kaʼax ja bʼa sbʼaʼal

Kaʼax ja bʼa sbʼaʼali

Taʼumantiʼik bʼa Jyoba

Stsajel jun kʼumal tojol-abʼal

 XETʼAN 10

¿Jastal maʼ oj bʼobʼ anaʼ bʼay ja relijyon smeranili

¿Jastal maʼ oj bʼobʼ anaʼ bʼay ja relijyon smeranili

1. ¿Lek maʼ xyila spetsanil ja relijyon ja Dyosi?

«Aʼa kwidadoʼex sok ja maʼ wa sjeʼa sbʼaj aluman Dyos bʼiʼi.» (MATEO 7:15)

Ja Jesusi yala yabʼ ja snebʼumaniki kechanta ay jun relijyon bʼa wa sjeʼa ja smeranili. Ja it jachʼ jastal jun bʼej bʼa wa xyiʼajotik och ja bʼa jsakʼaniltiki. Ja Jesusi yala: «Jel tʼusan ja maʼ wa staʼa ja bʼej jawi» (Mateo 7:14). Bʼa lek oj yil ja Dyos ja jastal wa xkaʼteltaytiki jel tʼilan oj jkʼuluktik ja jastal wa xyala ja Yabʼali, ja Biblia. Spetsanil ja matik wa skʼulane ja it, jun ita skʼuʼajel yiʼoje. Kʼuman ja Juan 4:23, 24; 14:6 sok Efesios 4:4, 5.

2. ¿Jasa yalakan ja Jesús sbʼaja matik wa xyalawe snochumane bʼa Yeʼna?

Wa xyalawe jel wa snaʼawe ja Dyosi, pe yuja jas wa skʼulaneʼi wa xnaxi mi meranuk.» (TITO 1:16)

Ja Jesusi yala oj ajyuk ixuk winik oj sjeʼe sok oj sjome ja smeranili, sok lajansok merani lek kʼuʼumane sok snochumane Kristo, pe kechanta wa sloʼlaye ja ixuk winiki. Pe ja meran snochumane Kristo wa xbʼobʼ najuk sbʼaje soka smodoʼeʼi soka jastik lek wa skʼulaneʼi. Kʼuman ja Mateo 7:13-23.

3. ¿Jastal oj bʼobʼ jnatik sbʼaje ja meran snochumane Kristo?

La jnebʼtik joʼe jasunuk bʼa oj jnatik sbʼaje:

  • Wa skʼuʼane ja Biblia jani Yabʼal Dyosa. Ja yeʼnleʼi wani skʼujolane bʼa oj skʼuʼuke ja rasonik wa xtax bʼa Biblia. Mi ja wa snochowe ja spensar ja ixuk winiki (Mateo 15:7-9). Ja meran kʼuʼumaniki mi wa xcholowe jun jasunuk sok pilan wa skʼulane, ja jas wa xcholoweʼi jani wa skʼulane ja bʼa sakʼanileʼi. Kʼuman ja Juan 17:17 sok 2 Timoteo 3:16, 17.

  •   Wa xyawe chaʼanbʼuk ja sbʼiʼil ja Dyos, Jyoba. Ja Jesús sjeʼa yi ja ixuk winik ja bʼiʼilal it, jachʼ ya chaʼanbʼuk ja sbʼiʼili. Chomajkil, skoltay ja ixuk winiki bʼa oj snaʼe sbʼaj ja Dyosi sok sjeʼa jastal oj skʼuluke ja yorasyoneʼi bʼa oj yawe chaʼanbʼuk ja sbʼiʼili (Mateo 6:9). ¿Ay maʼ bʼa awilonej ja bʼa wa komoni jun relijyon wa xcholowe ja sbʼiʼil ja Dyosi? Kʼuman ja Juan 17:26 sok Salmo 148:5, 13.

  • Wa xcholowe sbʼaja sGobyerno ja Dyosi. Ja Dyosi sjekakon ja Yunini bʼa oj xchol ja lekil yaljelik oj skʼuluk ja Gobyerno it. Kechantani ja sGobyerno ja Dyos oj bʼobʼ yijan slekilal ja ixuk winiki. Man chami, ja Jesusi xcholoni sbʼaja Gobyerno it (Lucas 4:43; 8:1; 23:42, 43). Chomajkil, ja yeʼn yala yabʼ ja snebʼumaniki a-skʼuluke ja aʼtel it. Ta ay maʼ jaki sok xcholo awabʼ sbʼaja sGobyerno ja Dyosi, ¿jas maʼ relijyon oj awal yiʼoj? Kʼuman ja Mateo 24:14.

  • Mi xchʼika sbʼaje soka jastik mi lekuk wa xkʼulaxi ja bʼa luʼumkʼinal it. Ja weʼn ojni bʼobʼ anaʼ sbʼaje yujni mi xchʼika sbʼaje ja bʼa politika sok bʼa kʼumalik soka matik ay xcholi (Juan 17:16; 18:36). Chomajkil, ja yeʼnle mi snochowe ja modoʼalik mi lekuk wa skʼulane ja ixuk winiki. Kʼuman ja Santiago 4:4.

  • Merani lek wa syajtay sbʼaje. Ja yeʼnle snebʼuneje bʼa Yabʼal Dyos bʼa oj skis-e ja matik pilan skʼumaleʼi, pilan yelawe sok pilan xchonabʼeʼi. Ja relijyonik mi meranuki wani xchʼika sbʼaje ja bʼa kʼakʼanelik wa x-ajyi soka tuk chonabʼiki, pe ja meran snochumane Kristo mini xchʼika sbʼajeʼa (Miqueas 4:1-3). Ja yeʼnle wa xyawe makunuk ja styempoʼeʼi soka jastik sbʼajeʼi bʼa skoltajel ja tuki. Kʼuman ja Juan 13:34, 35 sok 1 Juan 4:20.

4. ¿Jastal oj bʼobʼ jnatik bʼay ja relijyon smeranili?

¿Jas relijyon ti wa xyawe eluk bʼa Yabʼal Dyos ja sjeʼjelik wa sjeʼaweʼi, wa xyawe chaʼanbʼuk ja sbʼiʼil ja Dyosi sok wa xcholowe ekʼ kechanta ja Gobyerno it wa xbʼobʼ yijan slekilal ja ixuk winiki? ¿Jas kʼoleʼil wa syajtaye ja smojiki sok mi xchʼika sbʼaje ja bʼa kʼakʼaneli? ¿Jas waxa pensaraʼan? Kʼuman ja 1 Juan 3:10-12.