Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Kʼuʼan ja Dyosi sok oj ajyan sakʼan bʼa tolabida

 XET’AN 8

¿Jas yuj tʼilan cham ja Jesusi?

¿Jas yuj tʼilan cham ja Jesusi?

Jesús tʼilani chami bʼa oj taʼ jsakʼaniltik bʼa tolabida (Juan 3:16)

Ekʼelxa oxe kʼakʼu ja chamel ja Jesús, yajni jujuntik ixuk wajye ja bʼa mukubʼali sok mixa ti staʼaweʼa. Jyoba yaʼta sakʼwukjani.

Tsaʼan ja Jesús sjeʼa sbʼaj soka yamigoʼiki, ja snebʼumaniki.

Ja yeʼn mi kumxi ja bʼa satkʼinali sok jun skwerpo jastal keʼntik. Jyoba ya yi jun skwerpo, jastal ja bʼa anjeliki. Ja snebʼumaniki yilawe yajni ja Jesús kumxi ja bʼa satkʼinali. Ja tiw ja yeʼn jun anjel jel ja yipi sok mixa ojto chamuk.

 Ja Dyos ya sakʼwuk ja Jesús sok ya och jun Mandaranum ja bʼa sGobyernoʼi (Daniel 7:13, 14)

Jesús yaʼa ja sakʼanil jastal jun majtanal bʼa oj taʼ jkoltajeltik (Mateo 20:28). Stsʼakatal ja majtanal it wa xbʼobʼ jtatik ja jsakʼaniltik bʼa tolabida.

Jyoba stsaʼa ja Jesús bʼa oj och jun mandaranum ja bʼa satkʼinali bʼa oj ya ja smandar bʼa Luʼum. Ja 144,000 ixuk winik tsaʼubʼaleʼi oj yaʼe mandar lajan soka Jesús. Ja gobyerno jaw jaʼa Mandaranum stsaʼunej ja Dyosi (Apocalipsis 14:1-3).

Ja bʼa yojol ja smandar ja Jesusi, ja Luʼumi oj pax jun tsamal kʼachinubʼ. Mixa oj ajyuk kʼakʼanel, milwanel, waʼin sok mixani ja matik jel ajula sbʼaj yuja mey jastik sbʼaje. Ja ixuk winiki jelxani gusto oj ajyukeʼa (Salmo 145:16).