Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Jeʼayi bʼa Biblia jawa wuntikili

 SJEJEL 14

Jun gobyerno bʼa oj skʼul mandar yibʼanal ja Luʼumi

Jun gobyerno bʼa oj skʼul mandar yibʼanal ja Luʼumi

Mojanxa oj ajyuk jun gobyerno bʼa oj skʼul mandar bʼa yibʼanal ja Luʼumi. ¿Wan maʼ xa kʼana oja naʼ machun kʼotel?... Jani ja sGobyerno ja Dyosi. Ja Gobyerno it oj ya pax yibʼanal ja Luʼumi jun kʼachinubʼ. ¿Wan maʼ xa kʼana oja nebʼ sbʼaja Gobyerno it?...

Jun Gobyerno ayni yiʼoj jun mandaranum. Soka yeʼn wa skʼulan mandar ja ixuk winik ja bʼa xchonabʼi. ¿Wan maʼ xa naʼa machʼa ja mandaranum ja bʼa sGobyerno ja Dyosi?... Jani ja Jesús. Ja yeʼn tey man satkʼinal, sok mojanxa oj ya mandar bʼa spetsanil ja luʼumkʼinali. Yajni ja Jesús yeʼnxa ja mandaranum bʼa yibʼanal ja Luʼumi, ¿oj maʼ awal gustoxa oj ajyukotik?...

¿Jasa waxa kʼana oja kʼuluk ja bʼa Kʼachinubʼi?

¡Jelxani gusto oj ajyukotika! Yajni ja Luʼumi xpax jun kʼachinubʼ, mixa oj ajyuk kʼakʼanel. ¡Ja ixuk winik mixato oj tiroʼanuke! Jpetsaniltik oj yajtay jbʼajtik. Mixato maʼ oj maloʼaxuk mini maʼ oj chamuk. Ja matik mi xyila kʼinali ojxa yile kʼinal, soka matik mi xyabʼ kʼinali ojxa yabʼye kʼinal. Sok ja matik mi xbʼobʼ bʼejyuki ojxa ajnuke sok ojxa tsʼijtuke. Ojxa ajyuk jitsan jastik junuk bʼa lek slojel. Ja chanteʼiki lekxa oj yil sbʼaje, soka keʼntiki oj tajnukotik soka yeʼnleʼi. Soka ixuk winik matik chameleʼi oj cha sakʼwukejani. Jitsan ja bʼa ixuk winik anebʼunej ja bʼa poyeto it jastal ja Rebeca, ja Rahab, ja David soka Elías oj  cha sakʼwukejani. ¿Wan maʼ xa kʼana oja naʼ sbʼaje yajni sakʼwiyeʼi?...

Ja Jyoba jel syajtaya juntiro sok wa skʼana oj ajyan sakʼan gusto. Ta mixa waʼakan snebʼjel bʼa Jyoba sok waxa kʼuʼan bʼa yeʼna, ojni ajyan sakʼan bʼa tolabida bʼa jun tsamal kʼachinubʼ. ¿Wan maʼ xa kʼana oj ajyan sakʼan ja bʼa Kʼachinubʼi?...

KʼUMAN BʼA WA BIBLIA:

  • Isaías 2:4; 11:6-9; 25:8; 33:24; 35:5, 6

  • Juan 5:28, 29; 17:3