Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

Jeʼayi bʼa Biblia jawa wuntikili

 SJEJEL 4

Ja yeʼn ya gustoʼaxuk ja stati soka Jyoba

Ja yeʼn ya gustoʼaxuk ja stati soka Jyoba

¿Jasa wan skʼapjelyi ja Jefté ja Jyoba?

Ama wokol waj bʼa yakʼix ja Jefté, ja yeʼn skʼulani ja jasa skʼapa ja stati

¿Wan maʼ xa naʼa machunkiluk ja yal akʼix ja bʼa dibujo?... Ja Biblia mi xyala jas sbʼiʼil, kechan wa xyala ja sbʼiʼil ja stati, Jefté. Ja yeʼn ay jas skʼulan bʼa ya gustoʼaxuk ja stati soka Jyoba. ¿Wan maʼ xa kʼana oja naʼ mas sbʼaja Jefté soka yakʼixi?

Ja Jefté waj jun lekil winik. Chomajkil, spila jitsan tyempo sjejelyi bʼa Jyoba ja yakʼixi. Cha waj jun winik jel ja yipi sok jun lekil tojwanum ja bʼa chonabʼi. Ja yuj, ja israʼelenyoʼiki yalawe yabʼ: «¿Wan maʼ xa kʼana oj ochan kolomtikon ja bʼa kʼakʼaneli?».

Ja Jefté skʼanayi skoltajel ja Jyoba bʼa oj skʼuluke ganar ja kʼakʼaneli. Ja Jefté skʼapayi ja Jyoba ta skʼulane ganari, ojbʼi skʼuluk ja it: yajni xkumxi ja bʼa snaji, ja maʼ  x-eljan bʼajtan bʼa oj jak tajuki jaʼ oj yayi ja Jyoba. Ja jaw wa stojolan ti oj ajyuk sok oj aʼtijuk tolabida bʼa stabernáculo ja Dyosi man xchami. Ja tabernáculo waj jun lugar bʼa wa xwajye ja ixuk winik bʼa stoyjel ja Dyosi. ¿Skʼulan maʼ ganar ja Jefté ja kʼakʼaneli? Skʼulan. Soka yajni kumxi ja bʼa snaji, ¿wana maʼ xa naʼa machʼa eljan bʼajtani?...

¡Jani ja yakʼixi! Sok ama kechanta jaʼa yakʼix yiʼoji, ja Jefté tʼilani oj sjek man bʼa tabernáculo. Ja it jel aji och stristeʼil, pe ajuluka kʼujol ja yeʼn skʼapunejxayi ja Jyoba. Ja yuj, ja yakʼixi yala: «Kala tat, ay jasa kʼapunejyi ja Jyoba sok tʼilani oj wa kʼotuka».

Ja yamigaʼik ja yakʼix ja Jefté wa xwaj yulataye jun ekʼele ja jabʼili

Ja yakʼixi cha ochni stristeʼila. ¿Jas yuj? Pes yajni xkʼe aʼtijuk ja bʼa tabernáculo, mixa oj bʼobʼ nupanuk sok mi oj ajyuk yuntikil. Pe ja yeʼn wani skʼana oj skʼuluk ja jasa skʼapunej ja stati. Chomajkil, wa skʼana oj ya gustoʼaxuk ja Jyoba. Jani jaw ja mas tʼilan bʼa yeʼna yuja oj nupanuk ma oj ajyuk yuntikil. Ja yuj, waj ja bʼa tabernáculo sok ti ajyi tiw man chami.

¿Oj maʼ awal ja yeʼn ya gustoʼaxuk ja stati soka Jyoba?... ¡Jachniʼa! Soka weʼn ojni cha kʼotan jastal ja yakʼix ja Jefté. Ta kʼuʼabʼal wala ajyi sok waxa yajtay ja Jyoba, ja yeʼn ojni wa gustoʼaxuk. Soka wa nana tati jelni gusto oj cha ajyuke.

KʼUMAN BʼA WA BIBLIA:

  • Deuteronomio 6:4-6

  • Jueces 11:30-40

  • 1 Corintios 7:32-34