Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

¿Matik wa skʼulane ja jas wa skʼana ja Jyoba ja bʼa jtyempotiki?

 XET’AN 7

¿Jastal wa xkʼulaxi ja jtsomjeltikoni?

¿Jastal wa xkʼulaxi ja jtsomjeltikoni?

Nueva Zelanda

Japón

Uganda

Lituania

Ja bʼa tsomjel wa skʼulane ja bʼajtan nebʼumaniki, tini chʼikan ja tsʼebʼaneli, ja yajel yi orasyoni, skʼumajel sok spaklajel ja Biblia. Ta wajya ja bʼa jtsomjeltikoni, ojni awil jachʼtik ni wa xkʼulantikona.

Wa xjexi sjeʼjelik bʼa Biblia bʼa wa xkoltani ja bʼa jsakʼaniltiki. Ja bʼa xchʼakulabʼil ja semana, spetsanil ja kongregasyoniki wa stsomo jbʼajtikon bʼa smaklajel jun loʼil elel bʼa Biblia, bʼa 30 minuto, bʼa wa sjeʼa jastal wa slaja sbʼaj ja Biblia soka jsakʼaniltikoni soka bʼa tyempoʼayotiki. Wa xlokji ja matik tsomani a-snoch-e slejel ja tekstoʼik bʼa sBibliaʼe. Tsaʼan ja jaw, tixa nochan ja Spaklajel Ja Juʼun Cholumani, bʼa jun ora, chomajkil wa xlokji ja matik tsomani bʼa ayaʼe sjakʼjel ja sjobʼjel wa x-axi yajni wan paklaxel jun loʼil yiʼojan ja rebista Ja Juʼun Cholumani. Ja it wa xkoltani jastal yajel makunuk ja bʼa jsakʼaniltik ja rasonik bʼa Biblia. Ja rebista it ja junxta wa xmakuni bʼa mas ja 110 mil kongregasyonik ay ja bʼa luʼumkʼinali.

Wala chapjitikon mas ja bʼa sjeʼjeli. Chomajkil wa stsomo jbʼajtikon jun ekʼele ja bʼa semana pilubʼal bʼa oxe xetʼan, ja tsomjeli wa sbʼiʼilan Ja Sakʼaniltik soka Kaʼteltik bʼa Dyos, ja yamkʼabʼali jani ja Juʼun bʼa spaklajel sbʼa Ja Sakʼaniltik soka Kaʼteltik bʼa Dyos. Ja sbʼajtanil xetʼani, jani Sjejelik jel chaʼanyabʼal bʼa Biblia, ja it wa xkoltani bʼa snajel sbʼaj mas jun xetʼan bʼa Biblia bʼa xchapunejxajan sbʼaje ja kongregasyoni. Tixa wa snochoyi Kʼotan jun lekil jeʼuman ayiʼojan sjejelik bʼa wa xkoltani jastal sjejelyi ja tuk sbʼaja Biblia. Jun akʼa rason wa xkoltani bʼa yajel jnatik jastal stojbʼesel mas ja jastal wa xkʼumantik ja juʼuni soka jastal wa xkatik ekʼuk ja loʼili (1 Timoteo 4:13). Ja yoxil xetʼani, jani Ja sakʼanil ja yaʼtijum Dyos bʼa wa xpaklaxi jastal yajel makunuk kʼakʼu kʼakʼu ja rasonik bʼa Biblia ja bʼa jsakʼaniltiki. Ja it wa xyijan sjobʼjelik sok sjakʼjelik bʼa wa xya kabʼtik mas stojolil ja Biblia.

Yajni la waj ja bʼa jtsomjeltikoni, jelni chaʼanyabʼalil oj awil ja chapjelal wa x-ajikitikoni (Isaías 54:13).

  • ¿Jasa oj ataʼ yajni la waj ja bʼa tsomjelal wa skʼulane ja Taʼumantiʼi?

  • ¿Bʼa jas stsomjelal waxa kʼana oj wajan bʼajtan?