Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

¿Matik wa skʼulane ja jas wa skʼana ja Jyoba ja bʼa jtyempotiki?

 XET’AN 4

Jas yuj kaʼatikon eluk ja Biblia Traduccion del Nuevo Mundo?

Jas yuj kaʼatikon eluk ja Biblia Traduccion del Nuevo Mundo?

República Democrática del Congo

Ruanda

Xetʼan ja jas stsʼijbʼankan bʼa griego ja Símaco (bʼa siglo oxe ma chane) bʼa wa sjeʼa ja sbʼiʼil ja Dyosi ja bʼa Salmo 69:31

Jitsan xa jabʼil, ja taʼumantiʼ jumasaʼ bʼa Jyoba kaʼatikon makunuk, yajel eluk sok jpukutikon tuktukil Bibliaʼik. Soka tyempo, ilxi ja stʼilanil bʼa oj ajyuk jun yajkʼachil Biblia bʼa oj koltajuke ja ixuk winiki bʼa mi wokoluk oj yabʼye stojolil «ja smeranil ja sbaj Diosi», pes jani it ja jas wa skʼana ja Dyos sbʼaja keʼntiki (1 Timoteo 2:3, 4). Ja yuj, bʼa jabʼil 1950 kʼe pukxuk bʼa kʼumal inglés xetʼan yaman ja Biblia ja Traducción del Nuevo Mundo, jastal ni wa stsʼijbʼaxi ja bʼa jtyempotiki. Ja Biblia it sutubʼal xa toj sok tsʼikan lek bʼa mas ja 130 kʼumaliki.

Tʼilani wa xkʼanxi jun Biblia bʼa mi wokoluk yabʼjel stojolil. Soka tyempo ja kʼumaliki wa xtukbʼi, sok jitsan Bibliaʼik ayiʼojan yaljelik bʼa wokol yabʼjel stojolil ma mixa xyawe makunuk ja bʼa jtyempotiki. Pe taʼubʼal juʼunik tsʼijbʼunubʼalkan ja bʼa tyempo najate bʼa mas tsʼikan sok mas wa xmojxisok ja jastal ni kanel tsʼijbʼunubʼali, soka it wa xkoltani yabʼjel stojolil mas ja Bibliaʼik bʼa hebreo, arameo sok griego.

Wa xkʼanxi jun sutjelal bʼa jachni mero jastal wa xyala ja Yabʼal ja Dyosi. Ja sutumaniki mini xbʼobʼ stukbʼese ja jas kanel tsʼijbʼunubʼal bʼa Biblia, tʼilani jachni oj yaʼekan ja jastal ni mero kanel tsʼijbʼunubʼali. Pe bʼa jitsan Bibliaʼik mi xyawe makunuk ja mero sbʼiʼil ja Jyoba.

Wa xkʼanxi jun Biblia bʼa wa xya chaʼanbʼuk ja Yajwali (2 Samuel 23:2). Ja bʼa Traducción del Nuevo Mundo, ja sbʼiʼil ja Jyoba yaʼuneje chijkajukan mojan juke mil ekʼele, pes jachni mero chikan ja bʼa juʼunik tsʼijbʼunubʼalkan ja bʼa tyempo najate, jun sjeʼjel ja bʼa it ja jastal wa xchijkaji ja bʼa koʼeli (Salmo 83:18). Ja Biblia it, yiʼaj jabʼilik spaklajel jaʼankʼujol bʼa oj eluk, jelni xyaʼa gusto skʼumajel yujni chikan lek kanel ja spensar ja Dyosi. Ta ja weʼn ay awiʼoj bʼa wa kʼumal ma meyuk ja Traducción del Nuevo Mundo, wa xlokowatikon bʼa kʼajyan skʼumajel ja Yabʼal ja Dyosi kʼakʼu kʼakʼu (Josué 1:8; Salmo 1:2, 3).

  • ¿Jas yuj kaʼatikon eluk jun yajkʼachil Biblia?

  • ¿Jasa oj skʼuluk kʼakʼu kʼakʼu ja maʼ wa skʼana oj snebʼ ja smeranil sbʼaja Dyosi?