México

Alemania

Botsuana

Nicaragua

Italia

¿Wan maʼ xa wila ja ixuk winik gustoxtaʼaye bʼa dibujoʼi? Nake ixuk winik teye bʼa jun niwan jtsomjeltikon. Jastal ni bʼa najate, ja yaʼtijumik Dyosi ajiyile mandar bʼa oj stsom sbʼaje oxe ekʼele ja jabʼili, jachuk ja keʼntikoni jel gusto xkabʼtikon ajyel niwan jtsomjeltikon (Deuteronomio 16:16). Ja bʼa jabʼili wa stsomo jbʼajtikon oxe ekʼele: chabʼ tsomjelal wa sbʼiʼilan niwak tsomjelal bʼa jun kʼakʼu sok jun niwan tsomjelal bʼa oxe kʼakʼu. Soka it, ¿jastik slekilal wa xkatikon eluk?

Wa xya tsatsbʼuk ja yajtanel kiʼoj jbʼatikoni. Ja israʼelenyo jel ajiyile gusto stoyjel ja Jyoba «bʼa jitsan ixuk winik tsomane», sok ja keʼntikoni jelni xyakitikon gusto stoyjel lajan ja Jyoba soka jmoj-aljeltikoni (Salmo 26:12; 111:1). Ja tsomjelik it wa xkoltani bʼa snajel sbʼaj tuk Taʼumantiʼ bʼa tuk kongregasyonik ma bʼa tuk chonabʼik. Sok ja bʼa lugar wa stsomo jbʼajtikoni, tini wala waʼtikon lajan ja bʼa nalan kʼakʼuji, juni ekʼele bʼa wa xtaʼatikon mas kamigotikon (Hechos 2:42). Ti tiw wa xkilatikon ja yajtanel kiʼoj jbʼajtikoni bʼa spetsanil ja jmoj-aljeltikon bʼa yibʼanal ja luʼumkʼinali (1 Pedro 2:17).

Wa skoltayotikon bʼa snebʼjel mas sbʼaja Jyoba. Ja israʼelenyo jelni yawe el slekilal yajni wa xyabʼye stojolil ja jas jeʼjiyile sbʼaja Yabʼal ja Dyosi (Nehemías 8:8, 12). Chomajkil, ja keʼntikon jel chaʼanyabʼalil xkilatikon ja sjeʼjelik wa x-ajikitikon ja bʼa niwan tsomjelaliki, pes yujni ti wa xchʼak el bʼa Biblia. Jastal ni loʼilik sok sjeʼjelik wa skoltayotikon bʼa oj jnatikon skʼulajel ja jas wa skʼana ja Dyosi. Chomajkil, wa xya stsatsankʼujolanotikon yabʼjel jastal kuchelyujile ja wokolik ekʼel sbʼaje ja tuk jmoj-aljeltikon ja bʼa jtyempotiki. Ja bʼa niwan tsomjelal bʼa oxe kʼakʼuji wa x-ekʼ sjeʼjelik bʼa Biblia bʼa wa xya sakʼwujan ja jastik ekʼ ja bʼa tyempo jaw sok wa xyaʼakankitikon sjeʼjelik ja bʼa jsakʼaniltikoni. Bʼa spetsanil ja tsomjeliki wa xyiʼaje jaʼ ja matik wa skʼanawe oj yawe yi ja sakʼanil bʼa yaʼteltajel ja Dyosi.

  • ¿Jas yuj ja niwan tsomjelaliki juni ekʼele bʼa jel xyaʼa gustoʼil?

  • ¿Jasa slekilal oj wa eluk ta wajya june ja bʼa niwan jtsomjeltikoni?