Kaʼax ja bʼa sbʼaʼal

Kaʼax ja bʼa xchabʼil menú

Kaʼax ja bʼa sbʼaʼali

Taʼumantiʼik bʼa Jyoba

tojol-abʼal

¿Matik wa skʼulane ja jas wa skʼana ja Jyoba ja bʼa jtyempotiki?

 XET’AN 24

¿Bʼa wa x-el ja takʼin wa xmakuni ja bʼa aʼtel wa xkʼulantikoni?

¿Bʼa wa x-el ja takʼin wa xmakuni ja bʼa aʼtel wa xkʼulantikoni?

Nepal

Togo

Gran Bretaña

Jabʼil jabʼil, ja Taʼumantiʼotikoni wa xkatikon eluk sok wa xpilatikon jitsan miyon Bibliaʼik sok tuk juʼunik jachʼ kʼebʼubʼal; wa xkatikon kʼe Naʼitsik bʼa Tsomjelal, naʼitsik Betel sok wa xtalnaytikon bʼa lek sok tsamal aʼajyuk. Chomajkil, wani xkoltaytikon jitsan betelitaʼik sok misioneroʼik sok wa xjekatikon jastik junuk sbʼaja lugarik ekʼel desgrasyaʼiki. Pe ¿bʼa wa xchʼak eluk ja takʼini bʼa skʼulajel spetsanil ja it?

Mi xtupxi diesmo sok mi xkʼanxi takʼin ja bʼa yojoli. Ja aʼtel bʼa xcholjeli wani yiʼaj jitsan takʼin, pe mi xkʼanatikon yi takʼin ja ixuk winiki. Ayxa mas ja 100 jabʼili, ja xchabʼil ekʼele el ja juʼun Ja Juʼun Cholumani staʼa tiʼal ja janekʼ wa xkʼuʼantikon ja Jyoba yeʼnani ja maʼ wa skoltayotikoni. Tsaʼan yala: «[Ja xchonabʼil ja Dyosi] mi oj kʼankʼunuk ekʼ skʼanjel takʼin bʼa oj koltajuk yuja ixuk winiki». Sok jachʼni ekʼela (Mateo 10:8).

Soka takʼin wa xyaʼawe sok spetsanil skʼujol ja ixuk winiki wa xbʼobʼ kʼulaxuk ja aʼteli. Jitsan jel chaʼanyabʼalil xyilawe ja sjeʼjel wa x-axi bʼa Biblia sok yuja jaw wa xyaʼawe takʼin sok spetsanil skʼujole bʼa jkoltajeltikon. Ja Taʼumantiʼiki wani xkaʼatikon ja jtyempotikoni, ja kiptikoni soka jastik jbʼajtikoni bʼa akʼulaxuk ja jas wa skʼana ja Dyosi bʼa yibʼanal ja Luʼumi (1 Crónicas 29:9). Spetsanil ja Naʼitsik bʼa Tsomjeli soka bʼa niwak tsomjelaliki ay yal kajaʼik bʼa xchʼikjel ja takʼin chikan maʼ wa skʼana oj yaʼe. Ma yajel jun donación ja bʼa jsitiotikon jw.org. Tʼusan mi spetsaniluk ja ixuk winike it mey yala takʼine, jachʼ jastale ja biguda jel ajula sbʼaj staʼa tiʼal sok stoyo ja Jesusi, pes anima mey yala takʼin, yaʼani sok spetsanil skʼujola (Lucas 21:1-4). Spetsanil ja maʼ wa skʼana oj ni bʼobʼyuj spiljel tʼun takʼin ja jastal «wa xyala ja yaltzili» (1 Corintios 16:2; 2 Corintios 9:7, YD).

Jkʼuʼunejtikon lek ja Jyoba wani xbʼobʼ snijkes yi ja skʼujol ja ixuk winiki bʼa ayaʼe ja jastik junuk yiʼojeʼi bʼa akʼulaxuk ja xcholjeli sok ja jas wa skʼana ja Yeʼn (Proverbios 3:9).

  • ¿Jasa stukil yiʼoj ja xchonabʼil ja Dyosi soka tuk relijyoniki?

  • ¿Jastal wa x-axi makunuk ja takʼin wa xyaʼawe sok spetsanil skʼujol ja ixuk winiki?